books thoughts about kinship
If you do not find what you're looking for, you can use more accurate words.
خاطرة عن صلة الرحم (Info)
الله ومرنا بالمواصل والإحسان
وحرم علينا قطع وصل القرابة
جعل بوصل الرحم رفعة للإنسان
وفضل عظيم مبينة في كتابه
يثلج صدور ويطرد هموم وأحزان
ويزيل عن صدر الكئيب الكآبة
ورغم المسافه والتباعد بالأوطان
الحر يوفي لو يطول غيابه
الوصل شيٍ ما يقدر بالأثمان
والقطع شيٍ ما يجوز ارتكابه
والناس لو يخطون في بعض الأحيان
اللي معه عقله يعود لصوابه
حتى لو إنك جاك زله وزعلان
درب المقاطع جنبه وش تبا به
مسلك ضعيف النفس وضعيف الإيمان
يلعب به الشيطان ويصك بابه
وشلون صار القطع مابين الإخوان
هذي غريبه في زمان الغرابه
ملعون يالشيطان تسعى على شان
تفريق شمل وذنب قاسي عقابه
خافو من الله واستعدو من الأن
اقفو عن الهجران وارمو ثيابه
ترى شتات الشمل للشر عنوان
دربٍ يجيب الهم للي مشابه
روح اعتذر لو كان ماانته بغلطان
هذا شرف يستاهله من بدا به
واليا صفت نيتك لو كان ما كان
والله لتلقى عند ربك ثوابه
يالله ياللي خالق الإنس والجان
يا من وعدت اللي دعا بالإجابه
أجمع شتات الشمل وأجزى بغفران
للي بدا بالصلح واللي سعى به
وصلاة ربي عد همال الأمزان
وعداد مادن الرعد في السحابه
على رسولٍ حط للحق برهان
الرابح اللي في الحياة اقتدى به
