books notice of fatigue

• تعب كل الشعور البارحة اللي يناديني تعب.
• حبيبتي والأسئلة اللي سكنتني البارحة في زحمة غيابك تعب.
• حبيبتي والمشكلة: تعبت أجيب لغيبتك يا سبة أحزاني عذر وتعبت أقول: إني أحب
• تعبت أقول لساعتي ولشمعتي ولأقسى شعور ٍ مرني: ناموا وخلوني أحب.
• تعبت أسرّح ليلتي ب رموش جفني والسهر وتعبت أقول: إن المدى فجرك ولا حولي فجر.
• حبيبتي.. كان الغياب اللي قطعتي سكته أروى بساتينك جفا أنا الوفا وأنا الوحيد اللي بقا في زحمة غيابك يحب.
• ودي اجيك من التعب ثم أضمك
  وتشوف أنا وشلون عايش بلياك

قربك عطر ودي من البعد أشمك
أخاف يبرد مابقى لي بذكراك

أبنثرك في عروق قلبي ولمك
وأحسسك بالحب في يوم لقياك

متى يزين الوقت وأكون يمك
اقلها اعرف ظروفك ودنياك

ياليتني في أنفاس روحك ودمك
أبقى معك وأعيش الأيام وياك

ياكثر ماني بغربتي شلت همك
انشد نجوم الليل من عقب فرقاك

عليك أخاف أكثر من أبوك وأمك
والله ماتلقى مثل قلبي أغلاك

ما رتاح أنا من الوله لين أضمك
وأعلمك وشلون حالي بلياك

• اليا بدت لك حاجتن وانت معتاز
  الله لا يجعل ورا الناس عازه

الخرب مشروهه على مخلب الباز
وينبيك عن جو العواشز عفازه

ماجاز ولاجاز وان جاز ماجاز
هرجن يكود الطيبين اجتيازه

وقولن بلا صفه وتكميل وايعاز
مثل الرشى من مد يمناه مازه

وان جابك الله بين هامز ولماز
عليك بلي رز علمه ورازه

يرقا بها لطا يله دون معكاز
معزول عن راع النشاز ونشازه

لطيبه شاري ولطيب منحاز
ماخسر مفزاعه وربح انحيازه

وانا تعبت افل وحل الالغاز
وفي ظامري همن يدن ارتوازه

وشلون اواسي عرق قلبي ليا ماز
مازوه مافاده كثير احترازه

غروه برحب وأشهر اعطور قزاز
يعني جزاته بس عطر وقزازه

أما أعدموه بسيف ولاتر الغاز
شريعه الي يشرق النفس غازه

ولا تركوه أن خسر مبدأه وأن فاز
صعبن على موته وصعبن مفازه

وصعبن على الي ماله اصروح وانجاز
يحتال بمرن مستحيلن نجازه

للفلسفه سقراط والخبز خباز
والطيب درب وللعزيز اعتزازه

وللقرم سلم وللمدوبل ترزاز
وللعلم نور وللمصلي مفازه

وللعين دمع وللمشاعر تفرقاز
ولشيخ قدر وللخسيس انتهازه

وللعيب ذنب وللمحاذير منغاز
وللوقت جور ولظروف اهتزازه

ولذيب سنح وللهزيله تلزاز
وللعربجي شكله وعرفه وقازه

ولضحك وقت وللمسابيح خراز
ولسيف حد ولرماح أرتكازه

ولدين سمت وللمشاكل تقواز
ولسلطه العليا مكان ومحازه

والشعر نبض أحساس فايز وفواز
مثل الجبل ماكل من جاه هازه

نعم عجزت من العتب والتمركاز
والخوف من جيب الرقيب وجهازه

ويارب وأن جيت أطلب الناس معتاز
لا تحطلي في مزهب النذل عازه

• أبي هالدنيا تصفالي وأعيش بدنيتي مرتاح
  وأكون بنظرتك أنسان عاش بهالزمن راقي

أنا ما كنت غير إنسان عايش في الم وجراح
يغني للزمن موال وأغني له أنا راضي

تعبت أضحك على غيري وأغني له أنا مرتاح
وأنا قلبي بدى يوقف يقول ان الزمن قاسي

أغني للزمن موال عاش القلب دون رماح
يتعدى نغم صدري وتوصل حد احساسي

تسألني عن أخباري أقول ان الزمن جراح
يجاوبني عن اخباري وانا أسأل عن اخباري

ينادي الوقت يا قلب نسى بان الزمن فضاح
تجاهل سكة الفرقى وأنا أكتب على جداري

ينادي له أنا راضي أكون الحب والأفراح
وأنا أتمنى يصارحني وأعيش براحه في داري

تجاهلت التعب مرات ومرات التعب ذباح
يذبح خافقي وأصرخ أبي حبك من أسراري

صرخت بوجه هالعالم أنا ما كنت غير سلاح
ينادى في الحروب سلاح ويلبي على الطاري

رسمت القلب في تابوت يبكي والبكى جراح
يجرح في تلاميذهواستاذهبعد جاري

أنا مااقدر أقول الا أحبك والقلوب رماح
وأنا في عزة جراحي لحبك دوم أنا شاري

يعين الله يادنيا (محمد الدحيمي )

يعين الله يادنيا تسوق ايّامها الأحزان
يعين الله وانتي مثل قفل ٍ ضاع مفتاحه

يعين الله وجروحي لها في كلّ وقتٍ شان
كذوب اللي يقول ان الزمن بيداوي جراحه

سقى الله يوم أنا يمّه غرير ٍ يزعج الجيران
سقى الله يوم أنا طفلٍ يصج البيت بصياحه

سقى الله يوم كان أقصى طموحي لعبة الدنان
نهاية يومي المغرب وأخاف الليل واشباحه

سقى الله يوم أنا البس بشت أبوي وثوبه القيطان
واقلد كلّ شيء فيه حكيه جدّه مزاحه

واشيل المسبحه مثله ليا هوجس وهو سرحان
بيشعر وأحسب أن اللي عطاه الشعر مسباحه

سقى الله بيتنا ذاك البسيط مشقق الجدران
شجاع ٍ يهزم الغدراء … بقنديله ومصباحه

تكحِّلنا القناعه لا طمع لا هم لا حرمان
وإذا جاء الليل تكفينا ثلاث أخوان طرّاحه

جميع الذكريات اللي غدت في قفرة النسيان
يحاكي حلوها عبره بموق العين سبّاحه

خذتني غربةٍ عنوانها غربة بلا عنوان
(أبي عقب التعب راحة لقى فيني التعب راحة)!!

رجعت اليوم مثل اللي رجع عقب القنص خسران
غداً طيره وجاء يسحب سلوقيه وملواحة

قصيدة مابَعَد مرّت ببال مساعد وضيدان
هو أجيس أبدويٍ هايم ٍ في عشق فلاحة

وروح ٍ تايبه كانت تبي لذنوبها غفران
خطاي انّي كتمت اسرارها بعيون بواحة

تقولين المطر ماهوب … يمّه دايمٍ هتان
اجل معذور قلبٍ في همومه ضاعت افراحه

انا يمّه غلطت ولاني اول واحدٍ غلطان
ابونا آدم من الجنه خرج باسباب تفاحة

خذلك الوقت فيني ماخذلتك يا أعز انسان
وش الدبره ؟ وحظي صار قفل ٍ ضاع مفتاحه