books nabati poetry about friends

أنا في خاطري كلمه ولا ني قادر أخفيها
يقولون الزمن غادر وأنا أقول الزمن وافي

يقولون الصداقه سنين تبعدها وتدنيها
وأقول ان القلوب أقوى ما بين احساسه واحساسي

صداقة ترم خلتني ..مع رقه معانيها
كتبت من الوفا قصه أدونها بتجرافي

ألا كل الحلى منهو بهالدنيا يوازيها
صديقه لا قسى وقتي وغدى بي الدهر جافي

عسى الله بالفرح يملى حياته وكل امانيها
بفضل الله يحققها ويبقى قلبها صافي

وعسى المولى يخليها لعين دوم ترجيها
وتبقى بيننا الصحبه على مر الزمن كافي

وصلاة الله على طه عدد مانادى ناديها
في يوم الضيق يوم العبد يلجى ربنا حافي

جرح الصداقه ما تداويه الأيام

لمن جرحني صاحبي وش بقالي

لصار أعز الناس بزيدك الأم

من ترتجي يا قلب تشكيه حالي

عزي لقلب دايم الدوم منضام

ما شاف في هالدنيا رفيق موالي

ياحظ من مثلك هنا العمر له دام

يا حظ منهو قاسي ما يبالي

أبكي على جرحي وداويه بوهام

والقلب لزادت همومه شكالي

دمعه ورا دمعه والأحزان قدام

والحب كلمه عشتها في خيالي

غريبه حيل هالدنيا تفرقنا بدون شعوور

ولا ترحم ولا تعطف ولا تقدّر صداقتنا

صحيح إن الزمن دوّار وأيام الزمان تدور

صحيح إن الوداع صعب وهو أعظم مصايبنا

توادعنا وتفارقنا ومشينا جنب ذاك السوور

جميله أيامنا كانت سعادتنا وشقاوتنا

احد ينسى هذاك الصووت المعرووف والمشهور

يصبحنا بتهزيئه ويقول:اسمعوا إذاعتنا

وعشان نعصي اوامرهم كنا نأخّر الطابور

ونتفلسف وتقهرهم ونجاوبهم بضحكتنا

وتبدأ الحصه الأولى ويجينا المدرس المغرور

نحاول نحرق أعصابه بما تحمله خبرتنا

ويجينا الثاني بوجهه مبتسم مسرور

ونقلب ضحكته هم وهاذي هي عادتنا

ننسى المدرس والحصه نجاوب ننصب الجرور

نزيد الطين بله ونستعبط باجابتنا

نسولف بأول الحصه نكتب والقلم مكسوور

نموّه للمدرس ما درى وشهي كتابتنا

نشاغب نزعج ونضحك ولكن قلبنا عصفور

نسامح غلطه الثاني لجل خاطر برائتنا

أصدقاء يوفقكم إلهي الواحد المشكور

إذا ضاقت بنا الدنيا يساعدنا بمصيبتنا

أصدقاء هاذيك أيام راحت والسنين شهور

فمان الله ولا تنسون محبتنا واخوتا

خاب الرجا يا صاحبي لامع الصيت

الصاحب إللي عند كل حاجة عدمته

جابتني الحاجة وجيتك على البيت

وأفشيت لك سرن بنفسي لزمته

أبيك تنقذ ظامري من التناهيت

الله يساعدني على إللي كتمته

ووعدتني والظاهر إنك تناسيت

أهملت وعدي يالصديق وهضمته

عاملتني كني خطايه السلاحيت

مقبل ترحب به ومقفي شتمته لكن

لكن قولوا له تراني تراخيت

وإللي بنيته من صداقه هدمته

وإن ضاق صدري لفضل الهجن شديت

حرى نهر هموم إللي ركبت وزهمته

وشديت لديار الجدود وتسليت

أمشي نهاري وأسود الليل نمته

وإن شفت مجلس ذل عنه تناحيت

عن باقي المذله عصمته

الذل ما رضى لو أصبحت ما مسيت

والصبر عز وهيبة الصديق صمته

ما يعرف الخوّه يا كود الأصاحيب

إللي يحفضون الصداقه أمانه

شرواكم هم اهل الوفاء والمواجيب

وإلا الردي دايم طويل لسانه

ومن لا يعرف العيب ما همّه العيب

حتى لون العيب يلحق اخوانه

وعود البخور ليحترق ريحته طيب

وطيب الرجل بالمرجله والشهامه

وبعض العرب زلات هرجه عذاريب

وبعض العرب زلات هرجه ميانه

وأكثر مثل يطري علي قبل لا غيب

ترا الخوي ياناس مثل الأمانه

نزعل ونتكبّر وحنا من الطين

والكل منا صدّ لا أقبل خويّه

نفخر .. نقول إنا على الصد قاوين

وهيّ علينا في الحقيقة قويه

نشفق على الطيبة وكسب الكريمين

وهذي بنا؟ لا شك فعلة رديه

ننسى نهايتنا وعلى وين ماشين

وننسى الزمان اللي جمعنا سويه

المشكلة ما هي بحاجة لتخمين

ولا هي بعد يا ناس صعبة القضيه

دق الرقم: كيفك هلا فيك وأهلين

أنا الخوي اللي مزعّل خويه

قلّه: تغيب وصورتك داخل العين

ويبقى لحبك في خفوقي بقيه

أخوان حنا لو يجي بيننا شين

وما نفترق دام المحبة نديه

خلك قوي لا تحتكرك الشياطين

قبل الفوات وقبل وقت المنيه

كلّم خويك بأطيب الهرج واللين

وأعرف جميل الهرج يمسح رديه

هذي هي الدنيا من الحين للحين

لا بد بين الناس تحصل خطيه

ومن لايقدّر غلطة أحبابه الحين

يقرأ حروفي ويعتبرها هديه

باكر تمر سنين وسنين وسنين

والكل يرحل في الدروب المديه

صدقني تندم وأذكر حروفنا زين

تندم على خلك إذا غاب ضيّه

دنيا غريبة وأكثر الناس ماشين

وكم صاحبٍ والله دفنته بيديه