books ghazal poem in persian
If you do not find what you're looking for, you can use more accurate words.
قصيدة غزل بالفرس (Info)
الولع شين.. ياراع الولع لاتكود
روحك اللّي تقود المجد ويقودها
ماتخيّرت حب الخيل ورث الجدود
حيّ ورثٍ يرد النفس لجدودها
ماتقل قلبك العليا عليها ورود
وماتقل عقبك البيضى على حدودها
قالوا إنك عشقت الخيل والخيل خود
عشقها يستبيح الروح ويكودها
مهرتك في تعجرفها تحدى الحسود
لوله ألفين عين ٍ ماحوى زودها
لو يفرّق حلاها للغواني يزود
يرهي الما .. على كل الدلي جودها
فلوة الشمس ترفه.. وين عنها الصدود
حي ماها ومجناها.. ومولودها
سرجها الريح ويديها سراديب نود
ونار قرم معارفها من وقودها
وخصرها للغواني مثل خصر العنود
وجيدها جيد جادل.. ليّن عودها
سيندريلا العوادي.. مالها بالوجود
كفو.. إلا أنت سيدها ومحسودها
كنها من غلاها بالمحاني ترود
تصطفق ضلوعٍ.. تبرق رعودها
كن عينك لها سِيدَه.. ورموشك حشود
لا انثنت شفت قلبك زمّ بعضودها
منوة اللّي يبي طرد السهل والنفود
فارس ٍ تحتميه الناس ويذودها
