reviews of books nermeen youssef
Nermeen Youssef
Description not available.
حرية مسئولة
Nermin Yousif 29 May 2025
الرواية جميلة فكرتها حلوة ومهمة وهادفة ، وكمان خفيفة فيها كوميديا الموقف المضحكة. متزهقش وأنت بتقرأها، وتححسك إنك قاعد مع عيلتك تهزر وتضحك. واللغة مش معقدة وسهلة.
الرواية تصلح لجميع الأعمار ولمبتدئين القراءة.
حرية مسئولة
Fayrouz Mahmoud 22 Apr 2025
رواية جميلة جداً ، كبيرة بس مترابطة وأحداثها تشد وفيها مزج ما بين الجد وخفة الدم . الكاتبة رائعة في السرد والتركيز على التفاصيل .. برافو
حرية مسئولة
Anas Alayoubi 22 Apr 2025
تدخل كارما منزلها وحجرتها بانفعال شديد وبكاء هستيري ، فالقيود المجتمعية على البنت أصبحت طوق يخنقها ولديها رغبة شديدة في كسر هذه القيود ، ومع حديثها اليوم مع خالد زاد الأمر سوءً ووصلت لهذه الحالة من البكاء الشديد .
شعرت ابتسام بها وسمعت بكائها ، فهرعت إلى حجرتها لتعرف سبب هذا البكاء ..
ابتسام : مالك يا كارما بتعيطي ليه ؟
كارما : أنا مش عارفة ليه مطلعتش ولد ؟
ابتسام : يا خراشي لو أنت ولد وبالجمال دة ، دة كل البنات كانوا انتحروا عشانك ههههههههه .
كارما : أنا مابهزرش يا مامي .. أنا زهقت .
ابتسام : ليه بس ؟
كارما : كوني بنت مقيدني في تصرفاتي وتحقيق طموحي وطريقة تعاملي مع الناس ، أنا بتعامل بفطرتي والناس عايزاني افكر قبل ما اتكلم وراجع نفسي أنا ولد ولا بنت قبل ما طلع الكلام من بوقي .
ابتسام : وأنت من امتى بيهمك كلام الناس ، أنا مش قايلالك ارميهم ورا ضهرك كدة كدة مابيبطلوش كلام .
كارما : والله بعمل كدة بس في مواقف بتبقأة غصب عنك .
ابتسام : ايوة ايه اللي حصل خلاكي في الحالة دي ؟
كارما : خالد كان بيقدم ال cv بتاعته في الامارات وهايقدم لأحمد ولما قلتله قدملي أنا كمان مرضيش عشان قال ايه مافيش بنت تسافر لوحدها .
( ابتسام صمت ونظرة طويلة لكارما )
كارما : ايه ؟ بتبصيلي ليه ؟! ولا أنت رأيك ايه؟!
ابتسام : وتسافري ليه أنت بتشتغلي هنا ، يعني عندك شغل ووسط أهلك تتغربي ليه ؟
كارما : اتغرب عشان عايزة أحقق طموحي .
ابتسام : وطموحك مش هايتحقق غير بالسفر ، ما تحققيه هنا .
كارما : ماما هو أنت مش من هنا ولا ايه ؟، أظن مش محتاجة اقولك حال البلد عامل ازاي ، ومش محتاجة اقولك ان اللي هاحققه هنا في 50 سنة ممكن لما اسافر احققه في 10 سنين بس .
ابتسام : طب ولو قولتلك ان فعلاً خالد معاه حق وماينفعش البنت تسافر لوحدها .
كارما (منفعلة): يبقأة أنت يا ماما زيهم ، متربنيش على حاجة ولما نقع في مشكلة يطلع تفكيرك زيهم ، مش هما دول الناس اللي موراهمش غير الرغي بينتقدوا الناس وهما مليانيين بلاوي واللي يخاف من كلامهم عمره ما ينجح .
ابتسام : كارما أهدي .
كارما : مش هاهدى ،أنا مش هاهدى أنا زهقت وجبت أخري من مجتمع كله ازدواجية معايير ، هوووف حاسة أني مش قادرة اتنفس .
ابتسام : حبيبتي أنا مش معترضة انك تسافري أنا معترضة انك تسافري لوحدك .
كارما : أهاااااا وصلنا للكلام اللي هاينرفزني أكتر وماينفعش الواحدة تسافر غير مع جوزها و.........
ابتسام : لأا مش لازم جوزها .. ممكن مامتها ؟
كارما : يعني ايه ؟
ابتسام : يعني أنا هاسافر معاكي أي حتة أنت تلاقي فيها شغل يحقق لك طموحك ، مينفعش اسيب القمر دة لوحده .
كارما : وشغلك وبيتك يا مامي ؟
ابتسام : ما أنت عشان مشغولة عني ومش فاكراني خالص ومشغولة بالشغل والكورسات والخروج مع اصحابك نسيتي أن عيد ميلادي كمان أسبوعين وخلاص هاطلع معاش .
#رواية #حرية_مسئولة
حرية مسئولة
Nervana Mahmoud 20 Apr 2025
لا كلمات تعبر عن جمال الرواية وإحساسك بنفسك وأنت بتقرأ انك شخصية من شخصيات الرواية . جميلة بجد . شكراً الكاتبة نرمين يوسف
حرية مسئولة
Nashwa Mohamed 19 Apr 2025
كتاب وراية رائعة جدا ومشوقة تحب تقرها الي اخر سطر وتعالج وتناقش قضية مهمة جدا من قضايا المجتمع المعاصر . نرجو من الكاتبة أن تكتب ومثل هذة الروايات المفيدة والشيقة
حرية مسئولة
souzan shady 19 Apr 2025
رواية اجتماعية رائعة واقعية من حياتنا المعاصرة. مشاكل عيشنها فعلاً.
تأثير الطلاق في أي أسرة بيختلف من فرد لفرد إما الإنسان بيحبط وينهار بعده أو بينجح ويبدأ من جديد ، ودي قصة ستات كتير عاشوا التجربة وهايشوفوا نفسهم فيها.
حرية مسئولة
mahmoud said 19 Apr 2025
استحالة تبدأ في الرواية ومتخلصهاش ، بتشد القارئ بطريقة خيالية . اللغة سهلة الحوار سلس وتعليق الكاتب على المواقف والحوارات في منتهى الإبداع . وشخصيات الرواية احنا . حسينا إنها ناس شبهنا عايشين معاهم ووسطهم مش خيال ولا بعيد عن الواقع.
