Sahar Ra

Sahar Ra 13 Feb 2024

أنهيتها ♥️♥️
قبل كل شيء حبيت نقول أنو الروايات البوليسية هي نوعي المفضل من الروايات و اللي بديت بيها المطالعة أصلا
روايات أجاثا كريستي ، أما كان ديما فيها حاجة ناقصة برغم عشقي ليها ، التفاصيل لي ضاعت بسبب الترجمة
و هي حاجة لي كانت موجودة في روايتك بطريقة رائعة جدا
" التفاصيل" لي تخلي القارئ يعيش الرواية و يغرق في أحداثها كأنه جزء منها
أنا من النوع لي يقرأ بسرعة
أما استغرقت فيها وقت أطول من العادة ، لأنو كان فيها مقاطع كثيرة لازمها تفكير و تدقيق و تركيز من أجل الفهم، كاين مقاطع عاودتها خوفا من ضياع معناها ، و ربطها ببعض
بمرحلة ما من القراءة حسيتها تحولت من رواية بوليسية إلى رواية فلسفية و تخلي صعوبة كبيرة أنه نفصل بين الواقع اللي يعيش فيه و الخيال تاع الأحلام تاعه
و تساءلت إذا هي فعلا رواية بوليسية ؟
و حبيت هاذ الشيء أيضا، يعني قد ماخلاتني نسترسل فالقراءة قد ماخلاتني نبقى مركزة لآخر لحظة و انا نحوس على إجابة لأسئلتي ، و هاذ الشي خلاني نحاول ننهيها بأكثر سرعة ممكنة باش نعرف الإجابة
المعلومات لي فيها، و إن كنت ماسجلتهاش فذهني كامل بسبب وفرتها لكن حبييت عراريم التفاصيل و الدقة ، تعريفك بالثقافة النايلية و قصصها كان جميل ، التاريخ ،و كذا أشياء
مش عارفة إذا كلها حقيقية أما حبيتها، و حبيت ثاني أنك مابعدتش عالأصل لي هو الجلفة و بوسعادة ، ماعلاباليش علاه عندي تصور أنو من غير السهل أنو الانسان يكتب رواية بوليسية و يربطها بمناطقنا و يخليها حقيقية لهاذ الدرجة الجميلة ، شخصيا مانظنش نقدر ندير شيء مماثل

الأسلوب ، حبيييته، طريقة السرد، الحوار كل حاجة كانت just perfect ما شاء الله و اللغة سليمة

النهاية، قد ماحاولت نتوقع شكون القاتل ماقدرتش ، وصلت شكيت في بلال ابنة خالته، أما عيسى ف لا
يعني برافو قدرت تخلي هويته مجهولة بطريقة مش عادية و مستحيل أي انسان يشك فيه برغم أنك أشرت فالبداية لكون الرجل فاللوحة يشبهلو أما محال انسان يخمم بلي رح يكون هو

النهاية كانت مفتوحة