reviews of books د ماجد جاهين
د. ماجد جاهين
Description not available.
ممـالـك الآخـرة: 1. سر النبوءة والواحة المفقودة
خديجة النعيم 24 Aug 2026
بعد ما قريت رواية ممالك الآخرة، أقدر أقول إنها تجنن! الكاتب وربّي ممتاز، والأحداث والتشويق فيها مو طبيعي، والشخصيات مرة حبيتها ودخلت قلبي. كرواية فانتازيا الصراحة خيال، وكخيال علمي أشوفها أقرب ما يكون للاختراعات اللي بنشوفها في المستقبل القريب، هذا غير إنها مليانة أسرار وألغاز تشدّ الواحد.نهاية هذا الجزء كانت مقنعة وحلوة بالمرة، وما فيني صبر أبد للجزء الثاني! حقيقي أنا كوحدة من بنات المملكة العربية السعودية، عمري ما قريت رواية مصرية بهذا الجمال ولا بإبداع وشغف ومعلومات هذا الكاتب المصري المبدع.بكل شوق... في انتظار الجزء الثاني من رواية ممالك الآخرة المصرية. ❤️
ممـالـك الآخـرة: 1. سر النبوءة والواحة المفقودة
Fahd Hashem 19 Aug 2026
القصة والحبكة: عالم ديستوبي بيجمع بين السحر والتكنولوجيا بقلب مدن عربية، مع تركيز رهيب على قيمة العيلة والانتماء. 10\10
الشخصيات: تنوع مش طبيعي ، كل شخصية إلها هيبتها و حتى الأشرار والنساء، بتتعلق فيهم غصب عنك.
اللغة والدسم: سرد سلس وممتع مع شعر ولغات قديمة، ومليانة معلومات ثقيلة بتميز العقل عن التكنولوجيا والتاريخ.
سولافة أخيرة، خرافية بمعنى الكلمة، ونار للجزء الأول.. وبانتظار الجاي على جمر!
ممـالـك الآخـرة: 1. سر النبوءة والواحة المفقودة
Alexander Cyrus 17 Aug 2026
بعد قرائتي للجزء الاول كامل،
متحمس جدا للجزء الثاني و باقي الاجواء، بداية جميلة و بداية رائعة كأول جزء، شخصيات رائعة و احداث شيقة و حقيقي انا متحمس جدا لباقي الاجزاء من رواية ممالك الاخرة بعد الجزء الاول ده.
❤️❤️❤️❤️❤️❤️❤️❤️❤️
ممـالـك الآخـرة: 1. سر النبوءة والواحة المفقودة
Omar Mamdouh 17 Aug 2026
الرواية شيلة جدا وربطتني بالأحداث والشخصيات لحد الآخر، وقمة الخيال والمتعة فيها
ممـالـك الآخـرة: 1. سر النبوءة والواحة المفقودة
Hassan Eltelty 16 Aug 2026
رواية "ممالك الآخرة" مش مجرد رواية خيال علمي وفانتازيا وألغاز وخلاص، دي رواية عظيمة، تقييمي ليها 9.5/10.
عمري ما قريت رواية زي دي فيها معلومات ولا تعلق بالشخصيات، وهي فعلاً رواية تنافس الأعمال الأدبية العالمية مش الأعمال الأدبية العربية بس. أنا أولاً عايز أقول أنا كنت شخص مقاطع الروايات العربية على مدار 9 سنين كاملة، عمري ما قريت روايات عربية من فترة 2016 حتى 2025 ولكن كتب قريت كتير.
أولاً كنت مفتقد الإبداع، وكان وجهة نظري أني ليه أضيع وقتي ومجهودي في قراية روايات تقليدية أو القصة والحبكة بتاعتها متكررة كتير؟ لكن وجهة نظري اتغيرت تماماً بعد "ممالك الآخرة"، وليه بالتحديد هي بالذات اللي رجعتني لقراية الروايات العربية بداية سنة 2025؟!
أولاً أنا كنت بقرا للكاتب الدكتور ماجد جاهين مجموعة قصص على صفحته على مواقع التواصل الاجتماعي من أكتر من سنة، قصص بعنوان "جاهينيات" ليها طابع أدبي مميز وأثر نفسي وفلسفي عميق عن الحياة، وقيمة الحياة في حد ذاتها، ومجموعة خواطر إنسانية عظيمة، وكان بيعجبني أسلوب الكاتب لأنها مش مجرد قصص منشورة. أنا شخص درست النقد الأدبي ودرست أساسيات الأدب ودرست تحليل الأدب بكل أنواعه: الدراما والقصص والروايات والشعر... إلخ، وأنا كنت بحلل روايات ومسرحيات في الأدب الإنجليزي والأدب الأمريكي وبعض الأدب الأوروبي، ودرست الأدب النسائي وأدب الأطفال والأدب البوليسي وأدب الخيال العلمي وأدب الفانتازيا. لا، كنت بلاقي الكاتب قادر يوصل رسائل أدبية عميقة وبدوافع نفسية وفلسفية في القصص، دي كانت بداية ثقتي في "ممالك الآخرة" إنها تكون اختيار قوي أرجع بيه للروايات العربية.
ثانياً: الحركة التسويقية للرواية كانت جبارة جداً ومميزة وغير تقليدية وعصرية جداً في التسويق الرقمي، تجمع بين التصاميم العصرية والإبداع والمعرفة وإخراج فني ممتاز جداً في كل تصميم وكل إعلان وكل مقطع فيديو. كل دول كانوا في حركة تسويق رقمي مميزة جداً في صفحات التواصل الاجتماعي الخاصة بالكاتب الدكتور ماجد جاهين.
أولاً من 2024 بدأت أشوف المنشورات الرقمية التسويقية للرواية!
الكاتب أولاً عامل تسويق رقمي ممتاز واحترافي وحقيقي مجهود جبار جداً ومتعوب فيه. قام بتصميم صور عالم الرواية كامل؛ كل قارة في عالم الرواية ليها تصاميم وصور وإعلانات بأسلوب رقمي وألوان مميزة جداً وتصاميم بأسلوب فاخر جداً، سواء تصاميم القارات، أو تصاميم الشخصيات، وحتى في تصاميم الخرائط الخاصة بالعالم ده، وحتى تصاميم كل مملكة منفصلة داخل العالم، وحتى تاريخ العالم زي الشهور والأيام وحتى الأبراج في العالم، ده غير المعلومات في حركات التسويق الجبارة اللي وصلت ليها قبل قرائتي للرواية ودي هتكلم عنها بالتفصيل في الجزء الخاص بتقييمي للمعلومات اللي وصلت ليها.
أنا في الحقيقة عمري ما شوفت تسويق رقمي كويس جداً لأي عمل أدبي بالمجهود الفظيع ده، سواء في أعمال أدبية عربية أو عالمية، وأنا عمري ما شوفت كاتب حقيقي عامل تصاميم لعالم كامل لرواية أدبية غير النسخ اللي بيتم إصدارها بمجرد غلاف وكتابة وخلاص وبيعتمد على التخيل، غير إنك تلاقي رواية فيها كل حاجة بصرية رائعة زي "ممالك الآخرة".
ده اللي شجعني حقيقي أني أكون من أواخر/أوائل الناس اللي ترتقب نزول الرواية وأكون من أوائل قارئيها.
ممكن أي حد يدخل صفحات الكاتب الدكتور ماجد جاهين على مواقع التواصل الاجتماعي على الفيسبوك والإنستغرام والتيك توك يشوف كل التصاميم وكل الإعلانات الكاملة الخاصة بالرواية.
بالنسبة بقى لتقديم الشخصيات والقصة ومحور الأحداث في عالم الرواية:
أقدر أقول كان ممتاز جداً جداً جداً، وفعلاً أنا كشخص درست الأدب ودرست النقد الأدبي وتحليل الشخصيات، أنا في خلال رحلتي مع 24 فصل كاملين أقدر أقول العالم ده في البداية اتقدم بشكل رائع جداً، وقصة الرواية بتشرح شكل التكنولوجيا في فترة نهاية العالم هيكون عامل ازاي أو عموماً الأدوات والتقنيات التكنولوجية هتكون عاملة ازاي في المستقبل القريب وده هتكلم عنه بالتفصيل. والرواية فيها صراع بين الخير والشر وبيئة مليئة بالديستوبيا والظلم والقهر والاستبداد والفانتازيا السوداء وصراعات القوى العظمى المختلفة للبقاء، مع بصيص من الأمل والجمال والخيال والأشياء الخارقة للطبيعة زي السحر والوحوش والأساطير.
محور الأحداث بيحصل في بلدان ومدن عربية مختلفة ومتنوعة ليها أصول تاريخية عريقة، مناطق في مصر وبلاد الشام وأرض كوش، وفيه معارك بتحصل في أماكن جغرافية مختلفة، ولكنها مش أي معارك؛ فيها طرق وأشكال كتيرة مختلفة تختلف عن كل معركة، زي معارك ضد السحر، معارك ضد التكنولوجيا، معارك ضد الوحوش، معارك ضد التحول الجثماني والنفسي، ومعارك من أجل الصراع الأساسي فيها من أجل الحفاظ على العائلة، وليها مفاهيم فلسفية ونفسية واجتماعية عميقة جداً. في خلال تحليلي للأحداث والحوار في المعارك دي، أقدر أقول إنها بتركز على تعزيز الانتماء والقيمة الجوهرية لمفهوم الأسرة والعائلة وتخطي الأزمان مع وجود الدعم العائلي والأسري، وحتى المعارك بتخلق نوع عالي جداً جداً جداً من الخيال ونوع من الحماس إنك بتتخيل شكل المعارك بأكتر من شكل، ونوع عالي من الحماس التخيلي ✨
الأحداث مع كل فصل بتتصاعد وبتعلي بسقف التوقعات بداية من الفصل الأول، وفيها أنواع كتيرة من الإثارة والتشويق ومفهاش أي نوع من الملل نهائياً، وحتى في الحوار؛ يعني فيه روايات بيكون الحوار فيها ممل في سياق الأحداث لكن في "ممالك الآخرة" لا نهائياً، وفيها نوع من استثارة فضول القارئ لأنها بتعرض أجزاء من المعلومات وبتخفي بعض الحقائق وبتكتشفها مع سياق الأحداث والفصول.
الشخصيات:
أنا حقيقي عمري ما قريت رواية واتعلقت بشخصياتها أو حبيتها يعني كرواية ورقية، ممكن أتعلق بشخصيات في الروايات اتقدمت في أعمال سينمائية أو درامية لكن كرواية ورقية لا نهائياً، بعكس رواية "ممالك الآخرة" اللي أول مرة أتعلق بشخصيات رواية.
الكاتب على صفحته على مواقع التواصل الاجتماعي عامل تصاميم الشخصيات لكل شخصية، وحقيقي يمكن ده اللي خلاني أتعلق بيهم أكتر.
الشخصيات الرئيسية في الرواية وأبطال الرواية حرفياً كل شخصية اتقدمت بطريقة مختلفة، بتفكير مختلف، بوجهة نظر مختلفة، وكل شخصية ليها طابعها الخاص وليها فلسفة معينة ودوافع مختلفة وحتى بأبعاد نفسية واجتماعية وشكلية مختلفة.
بمعنى إن فيه تنوع عمري في الشخصيات الرئيسية وحتى كل شخصية بتحاول يكون ليها دور في تقديم المساعدة والحماية ولكن بطريقتها هي.
تنوع في الأعمار؛ يعني الشخصيات مش بتخاطب فئة معينة، لا هي بتخاطب جمهور عام للقراءة، هتلاقي شخصيات كبيرة في السن، شخصيات في منتصف العمر، شخصيات في مراحل المراهقة، وحتى شخصيات في مراحل الطفولة المتأخرة، وكل صفاتهم تجمع بين الحكمة والقوة الجثمانية وفنون القتال والشغف والحيوية والتفكير... إلخ، والشخصيات بتمر بتحول نفسي وجسدي ليه أبعاد إنسانية عميقة.
بالنسبة للشخصيات الشريرة (أشرار الرواية)، في الحقيقة الكاتب مقدمهم بطريقة أنت في نفس الوقت لا تقدر تكرههم ولا تحبهم، حتى كلامهم وتصرفاتهم فيهم نوع من العقل والتفكير وليهم برضه أبعاد نفسية واجتماعية وشكلية ومختلفين في أعمارهم، وفي نفس الوقت أنت ممكن تتعاطف معاهم كمان. والشخصيات الشريرة الكاتب مقدمهم بطريقة رائعة جداً، مش مجرد أشرار ساذجة وأشرار لمجرد الشر المطلق، لا نهائياً، كل شخصية ليها فلسفة معينة ووجهة نظر في شرها.
يعني الكاتب عامل تكافؤ في الشخصيات، كل شخصية بتفرض وجودها وبتخليك أنت كقارئ تتعلق بيها. وجزء مهم كمان بالنسبة للشخصيات النسائية، الكاتب مقدمهم بطريقة أكثر من رائعة بجانب الشخصيات الذكورية، يعني مفيش تهميش نهائياً بين تقديم الشخصيات الذكورية والنسائية، الاتنين ليهم أدوار مهمة جداً.
بالنسبة لتقييمي للغة المستخدمة في الرواية في السرد الأدبي: جميلة جداً وسلسة جداً ومفهاش أي شيء معقد أو شيء غير مفهوم. الكاتب بيستخدم اللغة العربية المبسطة وجزء من العامية المصرية في بعض حوارات الشخصيات، لكن اللغة العربية مفهومة جداً وليست لغة عربية معقدة، والكاتب مستخدم أبسط معاني اللغة العربية، ومع تصاعد الأحداث في كل فصل اللغة بتكون أبسط، والعامية المصرية ليها طابع خاص. الكاتب بيستخدم برضه القصائد الشعرية والشعر الشعبي الخاص بالقبائل والتراث الشعبي واللي بتعبر عن ثقافة القبائل وحتى بتعمل نوع من التناغم الموسيقي الأدبي. واستخدام الكاتب للغات المندثرة؛ اللغات المندثرة عموماً بتكون عنصر أساسي جداً في معظم الروايات في بناء العوالم الخيالية، واللغات المندثرة عموماً اعتمدتها كتير من الروايات العالمية الناجحة زي Harry Potter و Lord Of The Rings. وفيه قاموس في آخر صفحات الرواية فيه ترجمة وفهرس اللغات المندثرة المستخدمة ولكن هي مفهاش تعقيد نهائياً، حتى أنا بتفهم كل الكلمات في اللغات المندثرة وممكن لا ترجع للفهرس نهائياً أبداً بداية من الفصل الرابع.
وأنا حقيقي وأنا في خلال رحلتي مع الرواية ملقتش أي صعوبة نهائياً في عدم فهم اللغة.
وأخيراً المعلومات الثقافية الموجودة في الرواية والتقنيات التكنولوجية المستخدمة:
أولاً مع كل فصل ومع تصاعد الأحداث أنا بكتشف معلومات كتيرة جداً متنوعة، ومن قبل ما أشتري الرواية في خلال الإعلانات والصور الترويجية والتسويق الرقمي كان الكاتب بينزل معلومات عن كل مملكة داخل عالم الرواية وكمان كانت بتخلي فضولي أني أبحث عنها في محركات البحث، وحقيقي أنا حتى قبل ما أقرا الرواية وصلت لمعلومات تاريخية جداً نادرة زي أصل معظم الشعوب العربية، معلومات فلكية عن الفضاء والنجوم، ومعلومات ثقافية عن الشعوب العربية، ومعلومات فلسفية، ومعلومات جيولوجية عن الأرض والصخور والمعادن، ومعلومات علمية متنوعة جداً، معلومات بيولوجية وحتى أيديولوجية فكرية من الشعوب والقبائل، وكتير جداً جداً جداً من المعلومات التكنولوجية والمعلومات الرقمية والخاصة بالأمن السيبراني، وحقيقي أنا نفسي كنت لا أعرف حاجة عن المعلومات دي.
بالنسبة بقى لما الرواية نزلت، فيها تقنيات تكنولوجية كتيرة جداً زي تقنيات الهندسة الوراثية والتطور الجيني والبايومتري والنانوبوت وتقنيات كهروضوئية كتيرة، وفصائل من الحيوانات والحشرات أفادت القصة بشكل كبير جداً وكتير جداً جداً جداً، وتطور الأسلحة بالتقنيات دي. وبما إنها أصلاً رواية خيال علمي وفانتازيا وألغاز، هي كمان بتشرح إيه اللي ممكن يحصل من اتحاد التكنولوجيا الحديثة المعاصرة مع السحر والكائنات الأسطورية.
وده غير إن الكاتب منزل لكل فصل على صفحاته معجم بالمصطلحات والمعلومات.
رحلتي الخيالية والفكرية وتجربتي الأدبية مع "ممالك الآخرة" عظيمة جداً كبداية للجزء الأول، وعظيمة جداً ومتحمس لنزول باقي الأجزاء. حقيقي رواية عربية تُعتبر قطعة فنية أدبية عربية فريدة من نوعها ومميزة عن روايات عربية كتير قرأتها. ✨
ممـالـك الآخـرة: 1. سر النبوءة والواحة المفقودة
نادر زكي 30 Aug 2026
رواية ممالك الاخره حلوة و جميلة جدا
رواية ممالك الاخره حلوة و جميلة
و فعلا فانتازيا خرافية فوق الخيال ، الكاتب ابدع جدا في الفنتازيا و حتي في تقديم الخيال العلمي كمان في الرواية. يعني أنا نادريا لما بلاقي روايات فانتازيا مصرية قوية جدا في الخيال بالشكل ده و و حتي في روايات الخيال العلمي المصرية، لا تقديم الخيال العلمي في الرواية منطقي جدا .
عاجبني جدا الاماكن الفانتازية و التارخية اللي حصلت فيها معظم الاحداث.
الرواية فيها ألغاز كتير فعلا، أنا بحب الألغاز في الروايات
الشخصيات حلوة جدا
حبيت الفرشة الكاملة في تقديم كل شخصية في الرواية، بس حبيت الشخصيات النسائية أكتر .
رواية فعلا تستحق القراءة و متحمس جدا جدا جدا للجزء التاني. ، كأول رواية للكاتب ممتازة جدا الكاتب فعلا أبدع فيها و طلع فيها فن سردي حلو و باين جدا من الاحداث و المعلومات اللي في الرواية أن الكاتب مثقف رواية ممالك
