quotes of books tahir al moataz billah
Tahir Al Moataz Billah
Description not available.
ومع اكتشافه لليوتيوب والأفلام الوثائقية بقى عنده باب سحري تاني لكمية غير محدودة من المعرف، بس للأسف البيت مافيهوش إنترنت، بدأ يروح الشغل مع باباه ويقعد يتفرج بالساعات على اللابتوب بتاعه
NoorBook
إذا أردت أن تصنع فيلما واحدا فاكتب عن باتمان
وإذا أردت أن تصنع سلسلة تستمر لعقود فاكتب عن الأفنجرز
وإذا أردت ألا تصنع شيئا
فاكتب كتابك وابقى خد الزبالة معاك وانت نازل
المكتبة بقت مكانه المفضل، لما أهله يروحوا المول يقولهم اتكلوا على الله أنتم وأنا هابقى أجيلكم ويسيبهم ويروح يقعد في المكتبة بالساعات
ولما خلص كتب الفيزياء اللي هناك ابتدى يخش على موضوعات تانية، فقرا عن الأزمة الاقتصادية العالمية والثورة الفرنسية والحرب العالمية التانية كل ما موضوع يشده يغوص فيه لحد ما يجيب آخره
لا هو المهرج، ولا الأول على الدفعة، ولا الطالب تامر حسني محطم قلوب العذارى، فحس إنه ممكن يلعب دور المثقف لإنه مش محجوز والطلب عليه قليل
وده حببه في القراءة أكتر ، لأنها ادتله social identity أو هوية اجتماعية جديدة كأكثر واحد مثقف وسط أصحابه، الضغط اللي بيشكله
الـsocial hierarchy والـplayground picking order (التسلسل الهرمي الاجتماعي) على المراهقين ضغط قاسي وصعب
ولكن اختياره إنه يتميز في حاجة بيحبها بدل ما يحاول ينافس باقي القطيع في حاجة مصطنعة أو مابيحبهاش كان قوة دفع ليه مش العكس، فابتدى يقعد وقت أطول في المكتبة لدرجة إنه كان ممكن يخلص كتاب كامل في قعدة واحدة، وصاحب الموظفين اللي انبسطوا بوجود حد بيحب القراءة للدرجة دي في السن ده
ولكن في أحد الأيام مدير المكتبة كان بيمر على الفروع ولما دخل الفرع اللي بيقعد فيه غندور لقاه قاعد واخد راحته بيقرا ومابيشتريش ولا كأنه قاعد في ستارباكس
فقال له إحنا مش في جمعية رسالة يا حبيبي، عايز تقرا روح المكتبة العامة، إنما إحنا بنبيع كتب، القراءة هنا للي يدفع مش للجميع، وطرده من المكتبة.
غندور حس بوجع القلب لأول مرة في حياته، اطرد من أكتر مكان بيحبه في الدنيا ، ورجع لأهله وهو بيعيط...
وعلى قد ما الوقت اللي قضاه في القراءة نمى قدراته العقلية على قد ما أثر على حياته الاجتماعية، فوضعه في المدرسة ماكانش قد كده، لإنه في الوقت اللي كان بيتفرج فيه على أفلام وثائقية، زمايله كانوا بيتفرجوا على أفلام ثقافية عدم تميزه وسط أصحابه كان مسببله حالة عنيفة من insecurity(عدم الأمان) الضلع التالت لمثلث برمودا فترة المراهقة مع الـ anxiety والـself-doubt
