quotes of books reham lotfi
Reham Lotfi
Description not available.
اختيار شريك حياتك لازم يكون بالعقل وبالقلب
والخطوبة هي الفترة اللي بتساعدك تقرري إذا كنتِ مستعدة إنك تحوليها لزواج أو انك ترجعي سينجل لحد ما تلاقي الشخص اللي ربنا خلقه من نفسك وتقدري تتأقلمي وتعيشي مع عيوبه قبل مميزاته
عدم إدراك أهمية فترة الخطوبة وإهمالها غلط، فمن يهملها أولاً يندم أخيرًا !
NoorBook
بكره جواز الصالونات
بنوتة على مستوى عالي من الجمال، ملتزمة دينيًا، من عائلة كبيرة، ذكية، لبقة، رقيقة، فيها الصفات اللي بيحلم بيها أي شاب..
هي: في عريس جايلي بكرة
ضميرها: طب دي حاجة كويسة، زعلانة ليه؟
هي: أصل عمره ما شافني ولا يعرفني، خالتي جايابه ليا وأنا بكره جواز الصالونات أووووي ومش طايقه أقابله!
ضميرها: خلاص ارفضي إنك تقابليه.
هي : ما اقدرش! أنا هقابله تحت ضغط أهلي، لأنهم شاكين إني منتظره شخص معيّن بسبب رفضي لعرسان كتير، ورغم إني بحلف لهم إني مش مرتبطة بأي حد مش مصدقيني، كل الموضوع إن عندي مواصفات خاصة جدًا لشريك أحلامي ومش عاوزه أتجوز لمجرد الجواز
ضميرها: ممكن تفهميني بالراحة إيه اللي مضايقك من فكرة جواز الصالونات؟
هي (بعصبية): أولاً جواز الصالونات طريقة فاشلة وقديمة وأنا نفسي اللي يجيلي يكون جاي ليّا أنا، مش لعليتي مبحبش حد يتفرج عليّا .. أنا مش سلعة جاي يتفرج ويشتريها .. كمان بحس بالإهانة لما يقولوا لي فيه عريس جاي، وفي الآخر ألاقي مامته واخته اللي جايين من غيره، عشان يعاينوني الأول قبل ما ييجي ويقولوا له حلوة ولا لأ !
الشاب الملتزم ليه مميزات كتير جدً، أهمها إنه هيخاف عليكي وهيخاف يعمل أ] حاجة غلط عشان يكون معاكي في الجنة
ودايمًا هيتقي ربنا فيكي .. مش بس عشان بيحبك، لكن عشان بيحب ربنا أوي ودايمًا شايفه في جميع تصرفاته وكلامه .. اختاري شريك حياتك بتأني أوي ..
مش تتسرعي، ولا تسمحي لحد يقنعك إن الشباب المحترمين قليلين ويخلوكي تتجوزي أي حد ... اصبري .. وهتلاقي اللي شبهك
أرجوكي حافظي على قلبك قوي، مش تنجرفي عشان تعيشي زي أصحابك والسلام، ومهما وصلت ثقتك بإنسان مش تقابليه ولا تقللي من نفسك بأي طريقة كانت، وإوعي تبعتي صورك بشعرك أو بلبس البيت لأي حد، وابعدي تمامًا عن الشات وإضافة ولاد غريبة ..
خللي عندك مبدأ إنك نما تكلميش ولاد على الشات إلا لو موضوع خطير هيحصل كارثة لو مش كلمتيه
وماتحبيش شخص إلا الشخص اللي ناوي يدخل البيت فعلاً وقرر وخد خطوة .. عشان ده بجد اللي هيكون عاوزك وده هيكون حبك الحقيقي اللي ربنا خلقه من نفسك .. خليكي قوية دايمًا واثقة من نفسك إنك متمسكة بمبادئك عشان ربنا والرسول عليه الصلاة والسلام يكونوا فخورين بيكي دايمًا
الناس اللي بتتعرض لمشاكل ضخمة ف حياتها نوعين:
النوع الأول: المشاكل دي بتخليه يجري على ربنا ويحتمي بيه ويكون أقوى، ويحاول يكون شخص كويس يبطل يعمل ذنوب ومعاصي ويستغفر كتير علشان ربنا يصلح له حاله
النوع التاني: المشاكل بتخليه إنسان ضعيف، إنسان بيجري على الحياة الفاسدة وييأس من رحمة ربنا!
إياك أبدًا تكون من النوع التاني
ربنا رحمته واسعه قوي .. عايزك تقرب منه في كل الأوقات .. لأنه بيحبك قوووي
ما تتجوزيش لمجرد الجواز والخلفة، أو عشان الناس، وما تستعجليش أوي على لبس الدبلة
الموضوع مش (أنا هلبس الدبلة وأفرجها لأصحابي) الموضوع أكبر من كده بكتييير
انتي هترتبطي بإنسان معاه هيزيد دينك أو هيقل
خللي هدفك إنك بتدوري على شريك فعلي للحياة تفهموا بعض وتشاركو بعض في كل حاجة .. هيكون زوجك يعني زوج مطابق ليكي .. مش لازم تكونو شبه بعض في كل حاجة، لأنكم هتكملو بعض زي الشمس والقمر ...
حقيقة مؤكدة جدًا جدًا جدًا
المتفائل يرى وسط الظلمة نقطة نور
أما المتشائم فيرى نقطة الظلام بالرغم من إحاطة النور بها,
المتفائل إنسان يرى ضوءًا غير موجود فيبحث عنه حتى يجده،
أما المتشائم فيرى الضوء ولا يصدق أنه يراه!
......
كل واحد فينا يقدر يكون متفائل أو متشائم .. كل اللي انت محتاجه وقت كافي من التفكير وكتير من العمل والسعي والتوكل الحقيقي على الله .
