quotes of books muhammad insan
Muhammad Insan
Description not available.
وعن إنك تبات زعلان
ورافض أي شيء يتقال
دماغك واقفة على موقف
وتصبح حال غير الحال
.
وعن صاحب بترتاح له
يعدي عليك أوام تفرح
بقالكو سنين بتتقابلوا
ويجمعكم متين مطرح
يهوّن عنك ويسمع لك
ولا عمره بكلام يجرح
NoorBook
تفرح بسرعة وإن زعلت
تضحك وتعمل أراجوز،
مجنون وعمرك ما عقلت
وجنانك فرحة لمن يعوز
وعشان الحياة ما تستاهلش
قررت تدوّر فين سعادتك
ورسمت الضحكة على كل وش
لأن الضحكة هيّ عادتك
وقلت للناس تصرخ ف غش
وصرخت عبَّرت بإرادتك
عجيب طبعك قُصاد عينها
تخبِّي ف كل أوجاعك ..
ولو تبدأ تكلمها ..
تلاقي الفرح بيساعك ..
وتقسى كتير على روحك
وتفرح إن هيّا معاك ..
هواية تداري ف جروحك
وعُمر ما كتــــ عنيك فاضحاك ..
غريبة .. إزاي قدرت تعيش
لـ قلب ما شافش إيه جوّاك ؟!!
فضفضي..
قوولي كل اللي في خيالك ,,
اصرخي , بكل كلمة تيجي في بالك ,,
سمعيني صوت دموعك , خلي قلبي يتوجع ,,
واوعي مرة صوت سكاتك يبقي هو اللي يتسمع ,,
ده انا عندي ابكي الف مرة من صرختك , و
لا اني مرة اشوفك حابسة دمعتك ..!
قلت الرحمة فينا
وبنقتل بعض بـ إيدينا
والقلق فرضوه علينا
كإنه واقع نرضى بيه!
.
نسونا طعم الأمان،
نسونا فرحة زمان،
والأمل بقى شيء بهتان
مكسوفين نتكلم فيه!
.
قتلوا في بعض عشان
كرسي ومنصب خيبان
ونسيتوا الماضي زمان
إنها مش دايمة لحد!
وحشتني الضحكة اللي بجد
وحشتني الفرحة من القلب،
وحشتني بحبــك تتقالي
أو أقولها .. واستنى الرد
وحشتني الحاجة ف أولها
و واحشني تردد أفـكاري
عن إني أقرر أعملها ..
ولا أمشي راجع ف قراري
وحشتني الضحكة ف عنيها
وجناني يشاور لي عليها
وأنا أصلاً عُمري ما أعرفها
ولكني مصمم أروح ليها ..
وحشتني الروح المجنونة
و واحشني صديقي الهلاّس
كان أول ما يشوفني أتضايق
يقول لي هاتضحك .. وخلاص
ويقوم يتشقلب ف مكانه
ويضحكني قصاد الناس!
م الآخر وحشتني الدنيا
وأنا حابس نفسي برّاها
أنا عارف أيوة حياة بسيطة
لكني ما أقدرش أنساها !
