quotes of books khalaf jaber
Khalaf Jaber
Description not available.
NoorBook
وأنا تاتا يادوب
وإيديكي ساندين دراعاتي
حاسس إني أقوى من الدنيا
وم الريح العاتي
وأبويا يسنِّدني يخطي
ويقول لي إياك مرّة توطي
علمني الكلمة بمية معنى
كان حضنك دوار بيسعنا
دوار بلا باب أو سجان
من غير مفتاح ندخل نجري
وأنا جايلك م الكتّاب فرحان
فتقولي سمّع
فـ أقول "والتين"
واخد منّك حتة بخمسة،
واشتري أرواح
وأحس بإن الدنيا براح
كان كل بيت ..
إيده على كتاف اللي جاره، كإنهم أصحاب
لو صاحبه فكّر ف الهديد والبنا
فيه متر للشارع ثواب
كان للمساكن عيون
تعرفك لو جيت
تغسلك م الهم
تكتبك حجيت
كان للمساكن حضن
مهما يضيق بيسيع
كان البشر والبيوت
مخلوقين من طين
إخوات بتصلب عيدانهم
شمس ألف نهار،
قالوا احرقوا الطوبة
علشان يموت الحنين
تحمر لون العنين
السهرانين انتظار!
العتمة بتخبي الوشوش
والضي مكسور ع الحيطان
وقريبة ساعة غروبك
طالع ف نص الليل تدوّر عن وطن
طب كنت كِن ف عشك الآمن،
كل الشجر ف الليل بيبقى اسود
فارجع وخبي الصبر ف جيوبك،
ـ سامحيني ..
وكفاية عمري اللي اتبدر ريح ع السكك
طعم المرار م الغربة ساكن ف القلوب..
هيدوب مرار العمر طوّالي
ساعة ما زي زمان
تضميني بدراعينك
القلب عشمان بالوصال
