quotes of books حازم ويفي
حازم ويفي
Description not available.
النار لو زادت قد تشفيك
من خبث العطن الساكن فيك
مايخوفهوش غير نار تتقاد
النار لو زادت قد تحميك
م الدود الواقف مستني
يتمكن بيك
الدود راح يزهد تكوينك
لو تبقى رماد
النار أحيانًا قد تكفيك ..
لجل ما تقدر تسجد بثبات
NoorBook
حصل المراد من رب العباد .. واتكسَّرت كل القيود،
اتفك خيط العنكبوت
شمس النهار زارت كل البيوت
بعد اللي كان .. ليه جوّا منَّا الحلم هان؟
روح الميدان بتروح ..
ما بقاش باقي لنا غير كلام ..
كلام ..كلام .. كلام كتير ..كلام كبير
وعصير التحرير
وأكشاك التحرير ..
ودودة قز بتطلع حرير!
لو نفسك تتغيّر .. إنسى اللي اتقالك وإنت صغيّر
إنسى "احنا مالنا" .. و"خلينا في حالنا"
أنسى ال"سبعتلاف"
قوم أقف أوعى تخاف ..
قول أنا مليّت ..
اقفل كمان الريموت
بطل تسمعهم،
دول عاوزينك تصدقهم
سيبك من اللي فكره "جامد"
وفاكر نفسه "جامد" لما يقول لك
"أي دقن وجلابيه وراهم مشكلة جنسية"
.
قول من قلبك أنا ما بقتش صغيّر
أنا هتغيّر
أنا كائن متكرم .. بعرف أفكّر .. بعرف أدوّر
عقلي مش متأجّر.
لو تصالحني الكتابة
تمشي من قلبي الكآبة
والقلم يرسمني بضحك
والحروف تترص صف
ألقى حملي عني خف
حتى روحي ترد فيه
.
لو تصالحني الكتابه
ألقى لكل سؤال إجابة
وأبقى أنا مًغرم صبابه
بالورق وكلامه ليّا
جملة رايحة .. صورة جاية
رأس مالي من خيالي
كل يوم جايب هديّه
لو تصالحني الكتابة!
.
لو تصالحني الكتابة
ألقى فوق راسي سحابه
ماشية بتضلل عليَّا
شايلة بذرة وشايلة ميذه
جوّه منها سمعت صوت
ليل نهار ينده عليّا:
"إنت لاازم تبقى إنتا"
"أنتا أصلاً كل حاجة"
لو تصالحني الكتابة!
