Book The Room

Book Description

"مقتطفات:
الحياة قطار سريع ما اجتازة حلم، وماهو مقبل علية وهم.
فريدريك شوبان.

لا تنتظر شيئاً بلهفة، فالأقدار كتبت أن يأتيك كل شيء في وقته.
حكمة رجل عجوز.

يقول ونستون تشرشل: يرى المتشائم الصعوبة في كل فرصة، أما المتفائل فيرى الفرصة في كل صعوبة.

مقدمة:
تمتلئ الأرض بالحرب والسلام،والخير والشر، النجاح والسقوط"لأني لأ أؤمن بمصطلح الفشل" السعادة والحزن، الأفراح والجنائز! لا ترسي الحياة علي أمر واحد ولا يمر المرء بطريقاً واحد منهما، كيف لك أن تدرك السلام وإن لم تمر بالحرب،كيف لك أن تقدر السعادة وإن لم تمر بالحزن،كيف لك أن تدرك النجاح إن لم تسقط،كيف لك أن تقدر الخير وإن لم تواجهة الشر. وقد صدق هوبز إذ أقر أن الإنسان ذئب للإنسان .. وأجمل ما في هذه الحياة أن الإنسان قادر على الأسوأ وعلى الأفضل .. هذا كله يؤكد لي أن هذه الحياة لا يمكن أن تكون إلا دنيا، وأن الفضيلة المطلقة لا توجد على هذه الأرض.

_الحياة مليئة بالمفاجأت والصعوبات والمواقف والتجارب والزلات التي لا نهاية لهم ؛ عليك أن تتعلم كيفية النهوض والا يستغرق الألم والحزن منك إلا بضع أيام..ف كل العلماء والحكماء والعظماء مروا بالصعب قبل السهل قبل أن يحققوا إنجازات عظيمة ويغيروا العالم...
النجاح الحقيقي؛ هو أن تتعلم كيفية النهوض مرة أخري علي قدميك،والا تضع كلام الناس علي الهامش بل لا تترك مكان لهم في صفحتك!

(الجزء الأول) :

كان فيه بنت اسمها ألين؛ بنت عادية زي أي بنت، ساكنة في حي بسيط وهادي وفي قرية قريبة من المدينة، كانت في العشرينات من عمرها، حلمها زي أي حد أنها تحقق أحلامها الكتير؛ تكون ناجحة واجتماعية وتكون صداقات كتير بما انها ملهاش صحاب كتير و شبة وحيدة،أهلها توفوا من حوالي ثلاث سنوات في حادثة عربية، وألين مكنتش معاهم يمكن صدفة! ويمكن دا قضاء وقدر..كان من أحلام ألين أنها تشتغل في شغل البيزنس ويكون عندها شركات وتبني دار أيتام بسيط علشان تجمع فية كل الأطفال ويحصلوا علي الحماية وميكنش حد وحيد ولا مشرد ف الحياة.. يحكي أن القرية الي عايشة فيها ألين فيها بيت غريب وجواة أوضة أغرب سموها اهل القرية ب أوضة الأمنيات، وفية الي سماها أوضة العفاريت، وفية الي سماها المتاهة وتعددت أسماء الاوضة دي ولكن يظل الشعور واحد هو شعور الخوف والقلق من الاوضة الغريبة دي..
ناس من أهل القرية بتحكي وبتقول أن الاوضة دي دخلها راجل واحد قبل كدة وخرج منها وحكي أن سر نجاحة الي حصلة بعدين كان بسبب الاوضة دي بعدها اختفي ومحدش يعرف هو عايش لحد دلوقتي ولا ميت ولا راح فين..

ألين سمعت اكيد عن القصة دي وكان نفسها تجرب حظها يمكن حظها ميخبش المرة دي!
الاوضة دي مكنش لها غير مفتاح واحد بس ومحدش يعرف مكانة اكيد غير صاحب البيت نفسة، بس صاحب البيت كان راجل وحيد توفي من سنين
وكل الي كان بيروح البيت علشان يدور علي المفتاح مش بيلاقية أو بيطلع ويحكي أنة شاف حاجات غريبة ومبيدخلش المكان دا حد تاني بعدها،ألين فكرت في كل دا بس حاجة جواها بتقولها روحي المكان دا ومكنتش بتفكر ليل نهار غير أنها تروح، وبتقول لنفسها؛ أنة كدة كدة هتخسر أي تاني! وبعد تفكير كتير قررت ألين تروح المكان دا، سألت ناس كتير علي عنوان المكان بالتحديد لحد ماعرفت ووصلت هناك!

دخلت ألين وباب البيت كان مفتوح ؛البيت مهجور تماماً ومليان تراب وبيوت عناكيب وفية غرف كتير وسرداب مقفول بقفل قديم، بدأت تدور علي المفتاح لوقت طويل لحد مافقدت الامل بس وهي خارجة لحظت حاجة غريبة!

لحظت صندوق صغير مرمي تحت كرسي قديم،يمكن كمان دي صدفة أن الي دخل قبلها ميلاحظش الصندوق دا غيرها! فتحت الصندوق الي كان مليان تراب ولقيت جواة حاجات كتير قديمة زي كروت وجوابات وخاتم ومنهم كان المفتاح، اخدت الفتاح وراحت تفتح الاوضة دي وبمجرد ما حطت المفتاح ف الاوكرة فتح فوراً.. ودخلت ألين والباب اتقفل نفسها في نفس اوضتها!ونفس البيت ونفس الشارع الي ساكنة فية وكل حاجة زي ماهي!بس الغريب أنها سمعت صوت حركة ف البيت!....
يتبع.....

Part 2
فجأه خرجت لقيت مامتها بتحضر العشا وبتنادم عليها و باباها بيفتح الباب ولسه جاي من الشغل كأنها رجعت كام سنه لورا! إلين وقتها مكنتش عارفه هي فرحانه ان أهلها رجعوا تاني ولا زعلانه لأنها متأكده انهم خلاص ماتوا من زمان ومش هيرجعوا تاني قعدت على السفره مع مامتها وبابها وهي جواها ألف سؤال ومستغربه الي بيحصل دا أي؟!
اتعشت بعدين طلعت اوضتها تاني وهي هتجنن من الي حصل نامت وصحيت تاني يوم تلبس وتروح مدرستها وكأن كل حاجه عادي خالص ونزلت مع صاحبتها سما واتمشو سوا لحد المدرسه وفضلت تسألها :هما بابا وماما عايشين ازاي ومن امتى؟
- سما فضلت تضحك عليها ومستغربه اي الكلام الغريب الي الين بتقوله دا قالتلها اكيد ياالين سهرتي كتير امبارح ومنمتيش كويس امشي امشي
كملوا مشي وراحو المدرسه واليوم مشي عادي خالص
رجعت الين البيت وقعدت مع مامتها وسألتها
_ماما انتو هنا ازاي؟
-مامتها قالتلها: هنا ازاي يعني أي مش فاهمه؟
_ألين :انتو مكنتوش موجودين انتو كنتوا متوا..
-مامه ألين:متنا!
هتموتينا لي يا ألين لا ياحبيبتي احنا موجودين أهو عايشين في الدنيا لسه وجنبك ومعاكي ياحبيبتي
أنتي كويسه في حاجه حصلت معاكي...
ألين: لا أنا كويسه ياماما محصلش حاجه وحضنتها وبعدين قامت.
دخلت لباباها المكتب وشافت ركن المكتبه الي كانت بتحب تأخد منها كتب وتقرأ جمب باباها وهو بيشتغل وافتكرت كل ذكرياتها الحلوه وقتها
-ألين حبيبه بابا تعالي واقفه لي؟
دخلت الين وعينها مدمعه
مالك فيه اي حصلت حاجه معاكي
ألين :أنت وحشتني أوي يابابا وماما وحشتني وحشتني أوي انتو الاتنين وحشتوني أوي سبتوني لي لوحدي مش عارفه أكمل من غيركم حاجات كتير نقصاكم وحاجات كتير واقفه محتاجاكم جمبي أنا بقيت لوحدي
فضلت تعيط كتير وكانت منهاره
باباها كان بيحاول يسكتها ويخليها تبطل عياط ومستغرب هي بتقول كده لي واحنا روحنا فين ازاي وأي حصل
الين سكتت ومش عارفه هي بتقول أي والي هي فيه دا حقيقة والا حلم
الي بيحصل دلوقتي دا هو الي حلم والا الي كانت فيه قبل كده هو الي حلم....
بطلت عياط وحضنت باباها جامد و قالتله متمشوش خليكوا علطول معايا..
طلعت لقيت مامتها قاعده في الصاله حضنتها هي كمان وقالتها متسبونيش ابدا..
مامتها حضنتها قالتلها عمرنا ماهنسيبك ياحبيبتي والا هيفرقنا الا الموت..
طلعت ألين اوضتها وهي بردو جواها ألف سؤال بس المره دي حاولت تتأقلم على الوضع الي هي فيه وتحاول تعيش حياتها عادي كأن مفيش حاجة حصلت
تاني يوم اتفقت هي وسما صاحبتها يتجمعوا سوا عند بيت سما يقعدوا شويه مع بعض بما أن بكره أجازه
قعدوا سوا وفضلوا يتكلموا ولعبوا لعبه كل واحده تقول أي امنيتها... سما قالت أمنيتها وجاء دور ألين
_ألين قالت : نفسي بابا وماما يعيشوا معايا علطول ميمشوش ابدا علشان بعدهم مش هقدر أكمل..
وفضلوا يتكلموا سوا وبعدين ألين رجعت بيتها وقعدت مع أهلها شويه وبعدين راحت تنام..
نامت و صحيت تاني يوم في اوضتها بردو عادي جدا بس خرجت ملقيتش حد فضلت تنادم على باباها ومامتها دورت في كل مكان مش لقياهم فضلت تصرخ وتنادم محدش بيرد
-جدتها خرجت قالتلها : مالك يا ألين في اي يا حبيبتي أي حصل بتصرخي لي؟
_ألين :ماما وبابا فين؟
جدتها :ماما وبابا اتوفوا من زمان ياحبيبتي مالك فيكي أي حلمتي ب كابوس والا أي؟
اتصلت ألين بصاحبتها سما
_ألين :سما أنا مش كنت عندك امبارح؟
-سما :ايوا!
_ألين:الحمد لله طيب مش لما قلتلك بابا وماما اتوفوا قبل كده قولتيلي أنتي مجنونة ومش نايمه كويسه والكلام دا كله؟
-سما :ألين أنتي كويسه؟ مامتك و باباكي الله يرحمهم اتوفوا من سنين..
ألين فضلت تبكي وتصرخ مش فاهمه الي فيه دا أي
و ازاي كانت عايشه وعارفه ان أهلها ماتوا ونامت صحيت لقيتهم موجودين ونامت وصحيت تاني لقيتهم مش موجودين..
بعدين افتكرت هي أصلا قبل دا كله كانت موجوده في البيت المهجور دا ولما فتحت الباب دخلت السرداب الغريب دا وبعدين بقيت في الدوامة دي
قررت ترجع المكان يمكن تلاقي هناك إجابه على كل أسئلتها وتفسير للي حصلها دا كله..
راحت لنفس المكان المهجور الي شقلب حياتها كلها ومن وقتها وهي مش فاهمة اي حصلها والي فيه دا أي و في وسط ماهي بتدور على دليل سمعت صوت حد ماشي و جاي عليها و فجأه بتبص وراها......
يتبع

Copyright reserved

The book cannot be previewed or downloaded in order to preserve the copyright of the author and publishing house
Not available digitally or on paper through the Noor Library, it is for rating and review

Reviews ( 0 )

Quotes ( 0 )

  Search for another book