books tabuk poem roses
If you do not find what you're looking for, you can use more accurate words.
قصيدة تبوك الورد (Info)
يا تبوك الورد يا نبع الورود
يا ديار العز يا دار الشمال
اكتسي بالورد الوقت محدود
واظهري بالزين يا تاج الجمال
والبسي بالعز يا دار الجدود
سيدك بالدار يا دار الدلال
سيد الأوطان والاسم محمود
راعي الطولات ممدوح الخصال
خادم البيتين حنا له جنود
أبو متعب له مواقيف جزال
يا كريم الكف من جودك نجود
يا حكيم الراي بك ضرب المثال
يا عطوف النفس في عطفك ودود
للمواطن والوطن خير وظلال
سيدي صقر العروبة لك شهود
في جميع بلادنا شرق وشمال
وفي بلاد المسلمين بلا حدود
أنت حلال الصعاب بلا جدال
وعن يمينك منهو للمجد العمود
ولي عهدك دوم شيال الثقال
أبو خالد ما توانى بالجهود
مقترن بالخير سلطان الكمال
عن حمانا في حكم رايه يذود
وله جنود ما يهابون القتال
دايم يرقا على الطوله سنود
بالوفا يحمد ولا من قال قال
ونايف اللي بكل ميدان معدود
لا اكترب حبل الرشا فوق المحال
هو وزير الداخليه والحدود
مدرك الطولات صعبات المنال
ساهراً ليله وخلق الله رقود
باذلاً جهده لشعبه بالوصال
مع جنودا خصها الله بالصمود
باذلين أرواحهم في كل حال
وسيدي فهد الفهود ابن الفهود
الأمير اللي رقا روس الطوال
طور الديره وفي خيره يزود
فهد بن سلطان محمود الفعال
دايم بجوده ومعروفه يجود
طيب الجدين من عما وخال
والولاء والعهد منا للسعود
قلتها وأقولها بهذا المجال
بيعه التوحيد من عهد الجدود
وللعهد تجديد معنا لا يزال
بالنيابه مع مواثيق العهود
عن عطيه يا كريمين السبال
عزوتي بني عطيه بالوجود
بايعوكم من قديمات الليال
قلتها والعود في عين الحسود
والحقود اللي يعقد بالحبال
وشلة التخريب ما والله تسود
منكرين الحق شينين العمال
شلة التكفير واتباع اليهود
مالهم مقعاد ممشاهم زوال
كل منهم صار جحاد وحقود
فكرهم منحاز في شر وظلال
الشر ذمه الفاسدة وأهل الجحود
هادمين العز بأفكار انحلال
هم يبون الدعم منا لهم يزود
ندعم التكفير ونرضى بالذلال
ما دروا بانا عليهم كالرعود
نرخص الأرواح ولا فيها جدال
والله أنا كل ما زادو نزود
نردع المخطي ولا فيها احتمال
ما نساوم فيه ولا تبيح السدود
ما نهاب الموت وإن متنا حلال
وعد ما ذعذع هبوب وهب نود
الصلاة ختام مظمون المقال
