books examples of his poetic works
If you do not find what you're looking for, you can use more accurate words.
نماذج من اعماله الشعرية (Info)
الأماني العذبة
بُكرة يا قلبي الحنين تلقي السعادة
تبقي هاني وابتساماتك مُعادة
والسرور يملأ حياتي ويبقي زادها
وعيني تَشبَع نوم بعد ما طال سهادا
وأنسى غُلبي
والرياحين تملأ دربي
أمسح الدمع اللي يسيل يسقي الوســادة
كم سهرت الليل وكم سـالت دموعي
والألم في قلبي أصبح شيء طبيعي
والشباب أفنيته أبحث عن وَجيعي
عشت راهــب بين تراتيلي وخشوعي
بكرة تتحقق أمــاني
والفؤاد يرتاح ويتبسم زماني
والسعادة تكون جزاء صبري وصَنيعي
حلم بُكرة وذكري أيامي الخوالي
يسحروك
في بنات الجيل بشوف حسنك فريد
فيك قوام زى الغصن وكتين يميل
والجمال الفاتن الفات الحدود
وربنا يغطيك من عين الحسود
والله خايف في مشيتك يسحروك
بسحروك يا السمحة لو شافو الخدود
ولا شافو الأعين المكحولة سود
خوفى بس يالسمحة ما تصيبك عيون
بسحروك في البسمة لو شافوا السنون
والسمار الباقى ليك يا حلوة لون
والدلال والروقة والنغم الحنون
يا شبيهة الحور بخاف ما يسحروك
العجيب كل الحسان منك تغير
شافن الجسم اللطيف زى الحرير
والغزال حاسدك عشان فيك الضمير
والهلال من نور جبينك يستعير
بسحروك يالسمحة شان ما بشبهوك
الفينا مشهودة
الفينا مشهودة عارفانا المكارم أنحنا بنقودا
والحارة بنخوضا
الزول بفتخر يباهي بالعندو
نحن أسياد شهامة والكرم جندو
ما في وسطنا واحداً ما انكرب زندو
البعجز بيناتنا بنسندو
الليلة بنخوضا
ركابين عليهو الناصع أب غرة
نتباشر وقت نلقى الكلام حرة
ما بننفز يمين إن متنا فد مرة
الخواف ما حر منو نتبرا
الليلة بنخوضا
للجار والصديق عشرتنا تتمنى
بنصون الأمانة السيدا أمنا
المغرور ندوسو ونعدموا الطنة
شافعنا بيرى الموت في الركاب سنة
