Book Let Down

Book Description

اولى السلام عليكم
تبدا قصتنا مع سعود العنزي بعام 2015سعود من عائله ثريه جدا عكس وضع عائله جيرانهم سعود كان عنده حب لبنت جيرانهم وكذالك البنت بدا معهم الحب من يوم وهم صغار وكيف بدا معهم الحب كان دايم سعود يوم يشوف البنت يحس بشعور غريب شعور لايوصف يقول سعود كان يخاف على البنت اكثر من نفسه طبعاً يعني انتم تعرفون الجيران يجون بعض وكذا صار سعود يتقرب من البنت اكثر واكثر والبنت صارت تحب سعود اكثر المهم البنت كبرت وتحجبت عن سعود ولا صارت تطلع وتجي غير بالاعياد والمناسبات وسعود كذالك انقطع تواصله مع البنت طبعا سعود كان يتمنى يشوف البنت مره وماكان في طريقة تواصل بينهم اجى يوم من الايام والبنت طلعت جت على ام سعود والبنت معها وسعود شعوره لاييوصف يوم اجت البنت مع امها واستنانس مره وواضح الشوق في عيونهم المهم سعود قدر يضيف البنت على التواصل وراح ذاك اليوم سعود باليل جاه اتصال من البنت جلست تعبر له عن مشاعرها وحبه وسعود كذالك جلس يقولها احبك وانا ابيك بالحلال الى اخره اجى اليوم الي سعود وعد فيه حبيبته بتزوجها بس تخلص ثانويه راحت الايام وجت قبل الثانويه سعود لاحض شي غريب في البنت الي هوا اهتمام البنت قل مع سعود يعني معاد تتواصل معه زي اول ولا عاد تسأل عليه يعني زي اول وحتى امها يوم تجي ام سعود مابتجي مع امها وسعود لاحض ذا الشي لين جى اليوم واتصل عليها قالها وش فيك ليه متغيره البنت ردت بكل برود قالت انا ماني متغيره وسعود كان عارف فيه شي غريب صاير استمر سعود يتكلم على البنت بعرف وش الحاصل والبنت رافضه سعود وقتها تضايق وجلس يفكر وش الي حاصل معها لين جى اليوم وصل سعود حساب ولد قاله ابعد عن البنت هاذي احسنلك ولا بتندم سعود جاه فضول بعرف الحساب مين جلس يقوله انت مين قاله انا حبيب البنت وابعد عنها البنت ماتحبك ولا والله بندمك وبلك سعود سعود تضايق مره وعصب راح اتصل على البنت ماترد يتصل يتصل ماترد جلس يومين مارقد ردت عليه بعدها بيومين قالت له بكل برود هلا هنا سعود تضايق مره وقالها ليه تخونيني قالت البنت انا ماخونك بس انا كنت اكذب عليك بمشاعري وانا ماكنت احبك بس انا استحيت منك لانك ولد جيرانا ودايم بوجهي يعني كل الحب ذا كان من البنت كذب وعيشت سعود حب كاذب واوهام ومشاعر كاذبه سعود بلك البنت ووقتها سعود متضايق وصدره مولع نار تخيل انت تحب شخص يدوم 4سنوات ويطلع كذب سعود وقتها طلع بالسياره وكان متضايق والضيقه واصله حدها معه وماسك الخط ويهوجس ويفكر سعود يقول انا كنت افكر ومتضايق فجئه السياره انحرفت مني ودخلت الخط الثاني وتقلبت يعني سعود وقتها كان مسرع وتقلبت السياره فيه طبعا الناس انقذوه ودخل المستشفى وسعود كان يعاني من كسور ونزيف بالدماغ وتخيلو دخل بغيبوه سنتين صحى بـ 2020طبعا سعود صحى حصل عالم ثاني اهله عنده يبكون اخوانه ابوه امه تبكي عليه سعود تخطى كل ذا وسأل عن حبيبته امه ردت عليه وقالت له البنت تزوجت الله يبارك لها وسعود وقتها دمعته نزلت من عينه ورجعت حالته للاسوئ لين جى اليوم سعود تعافى وطلع من المستشفى سعود طبعا يوم طلع من المستشفى طلع بقلب ثاني وشخصيه ثانيه جلس يتعب على نفسه ويكافح عشان يرجع زي اول علاج طبيعي وجلس يتعالج لين رجع لصحته واقوى من اول بدا يعيش حياته طبيعيه سعود كالمعتاد سعود جالس باليل على جواله جاه مسج من حساب وهمي يقوله كيفك سعود انا فلانه تذكرني سعود هنا رد عليها بكل برود قالها عرفتك ووش تبي وجلست البنت تبكي وتترجاه يسامحها وانهل ندمانه وانخدعت من الشخص الي هوا زوجها وكانت ندمانه مره مع كذا سعود ماحن قلبه لها على طول سعود رد عليها بكلمه قالها الله يستر عليك ومعاد في شي بيني وبينك وبلكها المهم عدت الايام ودارت ولفت سعود بدا يعيش حياته الطبيعيه يروح ويسافر ويجي وبدا التعب والحزن يروح من قلبه راحت البنت من باله بس ذي نهاية قصتنا اتمنى تعجبكم
راوي القصه اخوكم سعود تركي العنزي
الكاتب محمود العتيبي

Copyright reserved

The book cannot be previewed or downloaded in order to preserve the copyright of the author and publishing house
Not available digitally or on paper through the Noor Library, it is for rating and review

Reviews ( 0 )

Quotes ( 0 )

  Search for another book