مراجعات كتب ورده عبد الرحيم
ورده عبد الرحيم
له (1) كتاب بالمكتبة, بإجمالي تحميل وقراءة (22)
غير متوفر وصف له.
أنا فتاة لا تنكسر
الكاتب حسين 14 سبتمبر 2025
اعتقد انها اكثر لسيرة ذاتية منها لرواية
و اعتقد انني بعد ان قرأتها توصلت لفوارق فكرية بين الذكر و الانثي.
في البداية كانت بطلة الرواية فتاة صغيرة ذات قلب اخضر ما زال لم يري شيئا من الدنيا.
و بعد فترة بتتعرض لما تصفه خيانة من صديقة ليها لانها جابت سيرتها بالسوء و ده للاسف ظاهرة متكررة جدا في عالم البنات، بعدها ما بتستسلمش للانكسار و بتقول انها لازم تكمل. و نن وجهة نظري الشخصية هي كانت بس بتستعد للي جاي
دخلت في قصة حب و كعادة الصعيد طلب منها الانصياع و لمنها اشترت نفسها و اشترت ان اللي يقدرها يقدرها زي ما هي، بس خلي بالك مافيش مشكلة لو اتغيرتي للاحسن.
ثم الخذلان لما واحدة صاحبتها تاجرت في اسرارها .
خلي بالك انتي كده ما اتعلمتيش من صديقة الطفولة، كان لازم تقوي نفسك بس في نفس الوقت تنمي حذر و فطنة في الاختيار مرة اخري.
النهاية في المسابقة اللي كسبتها بعد الكلام السلبي و ده نجاح كبير جدا، و في لحظة بتبص للمراية و تشوف كمية ندوب كبيرة من جراح قديمة لكنها ما قدرتش تكسرها، و لذلك هي فتاة لا تنكسر.
نيجي بقي عن الفرق بين تفكير الذكر و الانثي.
الولد لما بيتجرح عينه مش بتدمع و ما بيفكرش يقوم من انكساره، الولد بيقوم ينفض هدومه و يفكر في الانتقام.
الحبيبة الاولي لما بتجرح الحبيب بيندم علي ولاءه ليها و جعلها اولي اهتماماته و بناء عليها مستقبله، بس تاني يوم بيصحي مش فاكرها.
لما بيتحكوه في مسابقةو بيقولوا هيفشل ما بيكتفيش بانه يسقفلوه مجبرين، لأ بيستعرض قدامهم عضلات نجاحه عشان يفرض سطوته.
الرجل ما بينكسرش غير مرة واحدة لما ابوه يموت.
بيموت معاه و لكن جسده بيفضل عايش عشان يتطمن علي ولاده و بعدها بيتدفن.
م الاخر الرجل مخلوق ليصبح هو القائد و المحارب و الحامي
و الفتاة مخلوقة لكي تحفظ ذاتها و كرامتها و تتعلم الفرح و المكافأة.
يعني الاتنين قطعتين بازل لايقين علي بعض ❤️
