مراجعات كتب طار ق عيسى
طار ق عيسى
له (3) كتاب بالمكتبة, بإجمالي تحميل وقراءة (4,234)
ماجستير في التربية الرياضيه،
مؤلف1_ رواية patient909 صدرت بمعرض الكتاب ٢٠١٩
2_رواية انتقمت لذاتي صدرت في معرض الكتاب ٢٠٢٠
3_ رواية بِدُون صدرت بمعرض الكتاب ٢٠٢١
المريض 909
Samy Wagih 02 مايو 2019
من الروايات اللي لازم تقراها لان فيها معلومات كتير جدا في علم النفس والمرض النفسي غير انها بتظهر جوانب كتير ف المجتمع وتاثير كل حاجه علينا بتحصل حوالينا مش هتندم لما تكون الروايه من ضمن الكتب اللي اطلعت عليها نصيحه لكل المتابعين مش هضيع وقت يمكن مشكلتها الوحيد انها بالعاميه لكن دا مايمنعش انها كفكره كويسه جدا وجديده كمان
المريض 909
Rasha Roshe 27 أبريل 2019
من احلى الروايات اللي قرأتها محستش بملل ابدا احداثها جميله فيها مشاعر حب وصداقه وأخوه وتناقش ايضا موضوعات شائكه بالمجتمع ده غير التشويق في سير الأحداث كل ما توقع حاجه الاقي حاجه تانيه خالص تشدني ليها اكتر وكانت نهايتها مفاجأه اكتر واكتر بجد شابوه للكاتب برافو.
المريض 909
آلاء رزق 19 يونيو 2020
من أفضل روايات علم النفس والتشويق اللي قرأتها في حياتي فيها قيم إنسانية وحقائق صعب حد ما يلاقيش نفسه جوا الرواية
استمتعت بيها جدًا ❤️
رواية انتقمت لذاتي ( ظل الأفعى)
Alaa Řezk 23 فبراير 2022
ريفيو رواية "انتقمت لذاتي " للكاتب طارق عيسى ..
هو في العادي أنا بحب الروايات اللي حجمها كبير لأنها بتديني الوقت الكافي إني أعيش مع الشخصيات وأحكم على الأسلوب واللغة والمصطلحات واستمتع بكل تصنيفات الرواية من الكوميديا للدراما للجانب البوليسي والرومانسي خاصة بجانب طبعًا التشويق
إسمحلي أبدأ من النهاية للبداية بما إنك حاطط لينا النهاية في البداية ..
رواية إنتقمت لذاتي " ظل الأفعى " قدرت تاخدني على عالم تاني عالم الظلم فيه هو سيد الموقف ، ممكن مع أول قراءة في كام صفحة للرواية نشوف البيت المصري واللي بيحصل جواه طموح الآباء وزرعه في أبنائهم و إن ابن المهنة لازم ابنه يطلع زيه علشان يزرع فيه خبرته ما يقولش مش عارف ..
بعد كده دخلنا في مجال الباراسيكولوجي والعلم البحت ومكنش مجرد كلام أو خيال الكاتب بالعكس الموضوع كان مدعم بحديث علماء " وهنا أشيد بذكر الدكتور " مصطفى محمود " ومهارتك الحقيقية في توظيفه وكمان كلامه الممتع فوق الوصف واللي مفيهوش حرف مش شيق استمتعت بيه جدًا " وكمان آيات من القرآن ، من الحاجات اللي أول مرة تقابلني وتخليني أتعلق بالرواية بردو إنك مخلتش الرواية أخدت الجانب البوليسي الغامض إنت قدمت كل حاجة حرفيًا إنت مش اديت القارئ طرف الخيط لأ إنت بادئ الرواية أصلًا بنهاية الخيط وطلبت من القارئ يعرف طريق النهاية مش أكتر وده اللي زرع جوايا تشويق إني أعرف ايه اللي جاب نهاية الخيط هنا ؟!!!! طول فترة قرائتي للرواية وأنا كل اللي بعمله بحط علامات استفهام وبكره شخصيات حبيتها وبتعاطف مع شخصيات كرهتها وحاجة منتهى الإنقلاب الحقيقة في الأحداث والشخصيات ..
اهتمامك بتفاصيل زي التأثيرات الصوتية اللي بتعيشنا جوا تفاصيل الأحداث وتخليك عايش جوا المشهد عاااش جدًا
اللغة سلسة سهلة بدون مصطلحات وتعقيد، التعليقات والكودس حاجة كدة إبداع لوحدها وفكرتها في ربط القديم بالجديد
