مراجعات كتب جوني وليام أرثر
جوني وليام أرثر
غير متوفر وصف له.
داليدا
Asma abo 19 أغسطس 2021
الرواية دي فكرتها مُلهمة فشخ اللي هو بتدور حوالين أن الإنسان ممكن يدوس على قلبه ويتغير بسبب حد بيحبه، وأن الحُب مش بيُقف على حد، و إن أقرب الناس لينا مُمكن تأذينا، وإن إحنا مبناخُدش بالنا أن مُمكن حد يحبنا وأحنا مش واخدين بالنا من وجودوا اصلًا، وهو بيكون بيدقق فتفاصيل يومك اللي انت مش شايفها مهمة، وأن الدُنيا بتدينا أكتر من فُرصة إنك تتعلم من كُل مرة بتحب فيها لغاية متوصل للرايت بيرسون فالآخر، وبعكس باقي الروايات أن مُمكن تقرأ جزءً منها وتزهق، بالعكس أحداثها مشوقة فشخ.. وشخصية "داليدا" بتدور حوالين اللي بيحصل اليومين دول، والسرد و الحوار بالفُصحى، ودي من أجمد وأجمل الروايات اللي قريتها في حياتي، بجد اتمني أن جُوني يكمل لأنه كاتب عظيم بجد❤'
داليدا
Mariam Ahmed 19 أغسطس 2021
ريڤيو " داليدا "
قصة مختلفة و حبكة رهيبة الحقيقة ، طريقة السرد و انت بتقرأ هتخليك تروح في عالم تاني و تتخيل كل كلمة مكتوبة ، أحياناً كنت بقرأ ان كل عاطفة دايماً ليها اتجاهات نشوفها منها و مش لازم تكون بالمعني الصريح ليها ، عاطفة الحب و الشجن ، العجز و الارادة في نفس الوقت ، قدرة الانسان دايماً بتبان لما يبقي عاجز و يدي نفسه الإرادة إني يكسر العجز دا .
إن يروح من ايدك حاجه مش نهاية وحشة و لا هي أثر سلبي في حياتك ، بالعكس بتظهر قدرتك علي بداية جديدة ، اتعود دايماً تبدأ بعد كل نهاية .
الرواية عظيمة و مبهجة و خفيفة جداً لأي حد بيحب يقرأ ، في انتظار أعمالك الجديدة.
