English  
  يعنى اى سبحان الله؟! يعنى يارب انت منزه عن كل نقص وعيب، وكلمه منزه معناها بعيد كل البعد عن النقص فهو كامل في كل شئ سبحانه، في رحمته، وعدله، وحكمته، وقوته وعلمه ومنزّه عن الظلم والتقصير وكل ما لا يليق بجلاله. لما تقول "سبحان الله"، كأنك بتقول: "يا رب، إنت فوق كل ظني، وفوق كل وصف، وفوق كل تصور."هي مش مجرد كلمة، دي اعتراف منك إن ربنا عظيم فوق ما تتخيل،وإن كل اللي بيحصل في حياتك بحكمته وعدله،حتى لو انت مش فاهم . أثرها: التسبيح بيطهّر القلب من الهموم، ويخلّيك تشوف الدنيا بنور مختلف. بيفكّ الكرب، زي ما حصل مع سيدنا يونس لما قال: "لا إله إلا أنت سبحانك إني كنت من الظالمين" فربنا نجّاه من بطن الحوت.  
معاني الاذكار وأثرها
  ♕ الاذكار سبب في النجاه : قال الله تعالي :﴿فَلَوْلَا أَنَّهُ كَانَ مِنَ الْمُسَبِّحِينَ * لَلَبِثَ فِي بَطْنِهِ إِلَىٰ يَوْمِ يُبْعَثُونَ﴾ يعني لو سيدنا يونس ما كانش من الناس اللي بيذكروا ربنا دايمًا ويسبّحوه، كان هيُفضل في بطن الحوت لحد يوم القيامة، لكن التسبيح والذكر هو اللي أنقذه، وهواللي فكّ كربه، وفتح له باب الفرج. "الذكر مفتاح الفرج.. كما أنقذ الله يونس عليه السلام"  
معاني الاذكار وأثرها
  قال رسول الله ﷺ: «مَن رأى منكم منكرًا فليغيِّره بيده، فإن لم يستطع فبلسانه، فإن لم يستطع فبقلبه، وذلك أضعف الإيمان». رواه مسلم. والغيبة من المنكرات اللي مينفعش نرضى بيها أو نشارك فيها، فلو مش قادر تغيّرها بلسانك، ارفضها بقلبك، وابعد عنها على قدر استطاعتك.  
كتاب أمسك عليك لسانك
  تخيّل بقى المشهد ده يوم القيامة! واقف بين إيدين ربنا، ومحتاج كل حسنة عملتها في حياتك، وفجأة تلاقي حسناتك بتروح للي اغتابتهم حسنة ورا حسنة، تُؤخذ منك بقدر المظالم، وتُعطى لمن ظلمتهم، طيب لو خلصت حسناتك!! هتاخد من سيئاتهم لدرجه انك ممكن تلاقي في صحيفتك إنك سرقت وإنك زنيت وتقول طيب ازاي يارب أنا عمري ما عملت كداا ومتعرفش انك أخدت سيئات الناس اللي اغتابتها وستحاسب عليها عشان كدا ي جماعه بنبهه وبنقول لازم نمسك لسانا لإن اللي بتغتابهم ممكن يكونوا مذنبين وانت بتعمل بتصلي وتصوم وتعمل الاعمال الصالحه وفي الآخر كل دا يروحلهم وانت اللي تاخد ذنوبهم انت متخيل هتوصل نفسك لإي؟!!! وعشان كده النبي ﷺ وضّح مين هو المفلس الحقيقي. قال رسول الله ﷺ: «أَتَدْرُونَ مَا الْمُفْلِسُ؟» قالوا: المفلس فينا من لا درهم له ولا متاع. فقال ﷺ: «إِنَّ الْمُفْلِسَ مِنْ أُمَّتِي يَأْتِي يَوْمَ الْقِيَامَةِ بِصَلَاةٍ وَصِيَامٍ وَزَكَاةٍ، وَيَأْتِي قَدْ شَتَمَ هَذَا، وَقَذَفَ هَذَا، وَأَكَلَ مَالَ هَذَا، وَسَفَكَ دَمَ هَذَا، وَضَرَبَ هَذَا، فَيُعْطَى هَذَا مِنْ حَسَنَاتِهِ، وَهَذَا مِنْ حَسَنَاتِهِ...».  
كتاب أمسك عليك لسانك
عرض المزيد