كتب شعر عن مولودة أنثى
اذا لم تجد ما تبحث عنه يمكنك استخدام كلمات أكثر دقة.
شعر عن مولودة أنثى (معلومة)
يَا مَرْحَبَا يَا فَرحَة العمُرْ والدَار
- يا أَوَل مُوَالِيد الحَياة السعِيدَة
في جَيِّتِك هَلَت تِبَاشِير الْأَمطَار
- وصَار الفَرَح فِالدَار شرع وعقِيدَ
اللِيل مِن نورِكْ تِزِيدِينَه أَنوَار
- والصِبح طَلِتِك البهِية تِزِيدَه
قُومِي تِغَنِيّ يَالْمَنامَة بِالأَشعار
- وأَنا عَلى أَحلَى بِيُوتْ الْقِصِيدَة
مِنْ يُومْ جَاتْ اللي لَهَا عُرُوقِي أَوْتَار
- تَعْزِفْ عَلى قَلْبِي ويَنْبِضْ وَرِيدَه
سَمِيتَهَا شِيمَّه وتَدْرُونْ وِش صَارْ
- صَارَتْ لِتَرفَاتْ الصِبايَا عَمِيدَة
وكِلْ الْأَسَامِي الْبَاقِيَة صَارَتْ تِغَار
- الأَسمَاءْ القدِيمَة قبل الْأَسمَاء الْجِدِيدة
وأَنَا أَحْمِدْ الله لِي مَعَزه ومقدَار
- الدَرب سِيدَه والْمُوَاقِيفْ سِيدَه
أشُومْ وأَبعد عَنْ هَل الْعِيب والعَار
- وأَكِيد شِيمه مِثِلِ أُبُوهَا بِعِيدَه
تجذبْ قُلُوبِ وتَجْذِبْ أَرْوَاحْ وأَنْظَار
- وعَلى ابتِسامَتْهَا مَلَامِحْ عَدِيدَة
بَسْمَة بَرَاءَه تَسْكِنْ قُلٌوبْ ودْيَارْ
- تسْوَى ابتسَامَاتْ العقُول الْرِشِيدَة
بِقدُومَهَا نَفْرِشْ لَهَا وَرْدْ وأزْهَار
- ولِعْيُونَهَا نِقْوَى الْصِعَابْ الْعَنِيدَة
مَا هِيبْ تَطْلِبْ بَسْ تَامِرْ وتِخْتَار
- مَا دَامَهَا بِنْتْ الْشِيُوخ الفَرِِيدَ
وشْلُونْ مَا تَامِر وهِي بِنْت الْأَحرَار
- مَا دَامَهَا لِلِّي مِلَكْنَا حَفِيدَة
يَا لَايِمِي فِي حُبَهَا لِيش تِحتَار
- هَذِي غَلا رُوحِي وبنْتِي الْوَحِيدَة
يَا رَبْ تَحْفِظْهَا مِنْ اصدُوفْ الْأَقدَار
- ومِنْ الْسينِينْ الْمُوجِعة والْمِكِيدَة
لِأَنَ الزِمَنْ هَذَا مِتَاهَاتْ و أَخْطَار
- بِين الرِفَاهَه والحَيَاة الزِهِيدَة
الشََّر فِيه أَسْرَع مِنْ إِشَعَالَة الْنَار
- والخِيرْ يَبطِي مَا تِزَايَد رَصِيدَه
والرَابِح الْلِي ذِكَرْ رَبِي لَه أَذْكَارْ
- ويِصلِي فُرُوضه و يِرحَمْ عَبِيدَه
ويِحْفَظْ حُقُوقْ الْنَاسْ و يِقدِرْ الْجَار
- وان رَاحْ قالُوا أَشَهَدْ إِنه فَقِيدَه
وأَقُولَهَا وأَنَا لَهَا الوَالِد البَار
- والله يِفعَلْ مَا يَشاءْ ويِرِيدَه
