تحميل كتاب ملك ابليس Pdf

وصف الكتاب

رسول إبليس)

في ليلة ظلمة، الشوارع كانت هادية بشكل غريب، كأن المدينة كلها نايمة أو مستنية كارثة تحصل. "يوسف"، شاب في أواخر العشرينات، مهووس بعالم السحر والشياطين. قعد في شقته اللي مليانة كتب قديمة ومخربشات على الحيطان بتشرح طلاسم وتعويذات. كان حابب يجرب حاجة جديدة، حاجة تخليه مميز... بس المرة دي قرر يدخل لعالم مفيش رجوع منه.

يوسف كان قارئ كتاب قديم اسمه "مفتاح العالم السفلي"، الكتاب كان مكتوب بلغة مش مفهومة، مزيج بين الرموز والتعاويذ. فيه صفحة معينة بتشرح طريقة استدعاء شيطان كبير، واللي يكون عنده القدرة ينفذه، إبليس بنفسه يعينه كرسوله في عالم البشر. يوسف قرر إنه يكون الشخص ده.

في نص الليل، قفل يوسف كل أنوار الشقة وولّع شمع أسود حوالين دايرة مرسومة بالدم في نص الأوضة. كان سامع صوت دقات قلبه كأنها بتصفر في ودانه، الجو بقى سقعة مش طبيعية، ريحة الحرق ملّت المكان. قعد يتلو التعاويذ بصوت مكسور ومهزوز، ومع كل كلمة كان النور حوالين الشمع يقل، والظلمة تزيد.

فجأة، الأرض تحت رجليه اتشقّت، وخرج منها دخان أسود ثقيل مليان وشوش مرعبة بتصرخ. ظهر كيان عملاق بعينين زي الجمر، جسده مليان جروح وكأنه معاقب من العصور الأولى. يوسف ماقدرش يتحرك، حس إنه مربوط مكانه، والكيان بص عليه وقال:
"انت بتستدعي مين؟ فاكر نفسك مؤهل؟"

يوسف رد بصوت متقطع:
"عايز أكون رسول إبليس... أنفذ أوامره وأحكم البشر."

الكيان ابتسم بسماجة، وقال:
"إبليس هيقرر... بس لازم تثبت إنك تستحق. قدامك ٣ اختبارات، لو فشلت... هتكون واحد من الوشوش اللي في دخاني."

يوسف فجأة لقى نفسه واقف في بيت طفولته، بس المكان كان مقلوب، الحيطان بتنزف دم، وأصوات أهله بتنادي عليه بصوت مش طبيعي، أصوات مليانة ألم. الباب اللي قدامه بدأ يفتح لوحده، شاف أمه، بس وشها مش وش إنسان. ابتدت تقرب منه، صوت خطواتها تقيل كأنه بيكسر العضم. قربت منه وقالت بصوت غريب:
"ليه يا يوسف؟ ليه اخترت الضلمة؟"

يوسف اضطر يتجاوز المشهد ده وهو بيصارع خوفه، وكل خطوة كان بيحس فيها إن رجله بتتقطع، بس قدر يعدي.

اتنقل لمكان جديد، كان في غابة مليانة أشجار طويلة وريحة موت. صوت إبليس جه في ودانه وقال:
"اقتِل أول إنسان يقابلك... لو ترددت، انتهيت."

بعد شوية شاف طفل صغير، شكله ضايع وخايف. الطفل كان بيعيط وبيقوله:
"ساعدني، ضايع من أهلي."

يوسف وقف، دماغه كان بتصارع، بس إبليس جه بصورته، وشه كله غضب، وقاله:
"نفّذ وإلا هتموت زي الكلب."

يوسف خنق الطفل بإيديه، بس لما خلص، الطفل اتغير وطلع مجرد كيان وهمي. صوت إبليس ضحك وقال:
"لسه قدامك الكتير."

المشهد الأخير كان غرفة مليانة مرايات، وكل مراية بتعرض لحظة من حياة يوسف. اللحظات اللي خان فيها أصحابه، الكدب، الخيانة، وكل حاجة سودة في حياته. إبليس جه وقال:
"لو كسرت كل المرايات، هتكون معايا للأبد."

يوسف ما ترددش، كسر كل المرايات، الدم كان بيتطاير في كل مكان، وصوت صراخ عالي مالي دماغه.

رسول إبليس

بعد ما خلص، الأرض تزلزلت، وظهر إبليس بشكله الحقيقي، ضخم وعينينه بتلمع بخبث. بص ليوسف وقال:
"انت دلوقتي رسولي. مهمتك تبدأ من الليلة. خلي البشر يعيشوا في رعب، خدمتي هي خلاصك."

يوسف حس بقوة غريبة داخله، بس في نفس الوقت عرف إن حياته مش ملكه، وإن اللي جاي كله دم وعذاب.

---

في آخر مشهد، يوسف رجع لبيته، بس المكان كان مختلف. كل حاجة حوالينه كانت بتتحرك لوحدها، وصوت ضحكات إبليس كان بيملأ الأوضة. يوسف شاف وشه في المراية، وملقاش إنسان... لقى شيطان.

(يتبع...الي الجزء الثاني)

قراءة
. . .

تحميل
. . .

بــحـــث