كتب مهما يطول الليل
اذا لم تجد ما تبحث عنه يمكنك استخدام كلمات أكثر دقة.
مهما يطول الليل (كتاب)
مهما يطول الليل...
ديوان شعر العامية
بقلم // محمد عبدالغني عمارة .
_مهما يطول الليل لابد إن الشمس تطلع وتنور، وتتفتح زهور الأمل وتعمر، كل شيء بالصبر والعزيمة والاحتساب وللخير تقدر، إياك تتسرع أو في يوم تتهور، دا العقل زينه لو تعرفها لا تتقدر، والصبر نعمه لا يعرفها إلا الحكيم اللي متنور، خليك على طريق الأمل والإيمان واستبشر، وارمي وراك هموم الليل ويأس الحياة اللي يهد ويكدر، دا الحزن لحظة والفرح لحظة ماشيين بيتعاركوا مين اللي هيقدر، يقدر يلون رسمة حياتك ويعبر، الحياة بمعناها لحظة وضحكة بتترسم، ارسمها صح ودع المولى بفضله يحكم ويقدر...
دموعك غالية
رغم العناد
رغم البعاد
رغم الأسية،
لحظة ود
لحظة رضا
تزيح الأسى
يا نور عنية،
دا حبي لك
ماله حدود
والوجود يحلى
بقربك ليه،
حن ورق يا
أرق من نسمة
هادية وقت
العصاري هدية،
تعالى هنا
ندوق الهنا
ما بين عنيك
وما بين إيديه،
تعالى نزور
هوا الليل
أهديه هوايا
وأرويك حنيه،
كفاية بعاد
كفاية عناد
مهما يطول الليل
أنت اللي ليه،
يا اللي زرعت الود
في قلبي إزاي أنا أنساك،
دا أنا رويته بشوقي إليك
وأنا كلي أمل وياك،
★★
أصون العهد للوعد
سبيلي في يوم ألقاك،
أعيش الفرح بالقرب
من نعيم همس نجواك،
★★
أعيش الحزن بالهجر
لطبيبي طيب رؤياك،
يروح الشجن وييجي
السعد بوعدك البراك،
يطيب اللقى يا عمري
بفيض حنينك الفتاك.
محمد عبدالغني عمارة.
