كتب قصيدة في حب جدة
اذا لم تجد ما تبحث عنه يمكنك استخدام كلمات أكثر دقة.
قصيدة في حب جدة (معلومة)
اسقي كل البحر من طلك عذوبه
وانثري ضيك عليه
في المساء مر وشذى عطرك في ثوبه
وماسك الشمس بأيديه
وش عليه يلعب ف شعرك هبوبه
ويغسل أقدامك في مده
ويكتم أسرارك في جزره
ويلقى في رملك لخده لا تعب حضن ومخده
وكل ما جا الطاري في عرس وخطوبه
وقلنا مين هي العروس
قالوا: جدة
لسا صوتك أسمعه آخر أيام الربيع
ويالمنادي في الطريق وش تبيع
بشتري عمري العتيق لو تبيع
ولسا كيلو أربعة له مكانٍ في النفوس
وتبقى أيام الرطوبة والطفولة والجري تحت الشموس
أجمل أيام في حياتي
لما بيني وبين (صالح)
تبتدي حرب البسوس
وتنتهي مرة بسهولة أنا العب في الظلال
وهوَّ يدخل غرفته يفتح الرادو ويغفى
وأنا أحفر للمراكب في حدود الظل مرفا
وفي ضلوعي حلم وأمطار وخصوبة
أبني العالم وأهده
وكل ما جا الطاري في عرس وخطوبة
وقلنا مين هي العروس
قالوا: جدة
اسقي باقي العمر من طلك عذوبة
وشدي أوتار الحنين مثل عود
واعزفي قلبي يعود
خصلة من ليل الظفاير وضي من قمر الخدود
نرخي الماضي ونشده خيط قي البحر وجلب
ولو رحلنا عنها مدة وقلت أسماك الشعب
تبقى دايم هيَّ جدة
وهي مكان اللي نحب
