اذا لم تجد ما تبحث عنه يمكنك استخدام كلمات أكثر دقة.
الفصل الأول: البداية البريئة
في مدينة صغيرة، عايش شاب اسمه سيف عنده 19 سنة بيحب التصوير والكتابة وكان دايمًا بيحب يعبر عن نفسه على صفحته على إنستجرام بدأ ينزل صور بسيطة من حياته اليومية: كوب قهوة صورة للغروب وخواطر صغيرة كتبها من قلبه لاقى شوية تفاعل والناس بدأت تشجعه حس وقتها إن عنده صوت وإنه أخيرًا بقى مسموع
الفصل الثاني: دائرة الإعجاب
مرّ الوقت وبدأ سيف يلاحظ إن البوستات اللي فيها صور فخمة أو لبس غالي أو أماكن مشهورة بتجيب لايكات أكتر فبدأ يغير من نفسه بقى يهتم بالترند يلبس على الموضة ويزور أماكن مش ضروري يحبها بس لازم يصورها الناس بقت تشوفه شخص (كامل) ناجح ومرتاح لكن الحقيقة إنه من جواه كان بيحس بفراغ بيكبر كل يوم
الفصل الثالث: المقارنة القاتلة
كانت صديقته (ملك) بتتابعه دايمًا وهي بنت بسيطة بتحب الرسم ومش بتفكر في الفلوس أو الشهرة لكن لما بدأت تشوف صور سيف والناس بتكتبله كلام حلو بدأت تحس بالنقص ليه هي مش مشهورة؟ ليه مش حد بيشوف فنها؟ بدأت تحاول تقلده وتغير من شخصيتها بس كل مرة كانت بتحس إنها بتبعد عن نفسها أكتر
الفصل الرابع: السقوط الصامت
سيف في يوم فقد السيطرة بقى يحس إنه بيعيش حياة مش حياته بقى يجهز محتوى للناس مش لنفسه. في يوم قرر يقفل كل حساباته اختفى من الإنترنت واختفى من حياة الناس الناس نسيت بسرعة أما ملك فقد دخلت في نوبة اكتئاب لأنها حست إن وجودها ما كانش له معنى من غير التفاعل والاهتمام
الفصل الخامس: العودة للواقع
بعد شهور رجع سيف يكتب لكن على ورق نشر كتاب صغير اسمه (أنا الحقيقي) حكى فيه عن تجربته وازاي خسر نفسه وهو بيدور على إعجاب الناس ملك قرأت الكتاب وفهمت إنها مش محتاجة جمهور علشان تكون فنانة بدأت ترسم تاني لكن لنفسها
الخاتمة:
الشهرة وهم لو كان الثمن هو نفسك
مواقع التواصل مش وحشة لكن لما تستخدمك بدل ما تستخدمها هنا بيبدأ الخطر