كتب شعر للمريض
اذا لم تجد ما تبحث عنه يمكنك استخدام كلمات أكثر دقة.
عرض المزيد
المصدر: mawdoo3.com
شعر للمريض (معلومة)
يا عين وين النوم وأنتِ حزينة
- وين السعادة بس وين السعادة
هلي دموعك في هدوء وسكينة
- وإن زاد دمعك لأجله خذيه عادة
يوم الرسائل جاتني بالغبينة
- قالوا مريض وبالعناية رقاده
حبيبك اللي بالوفا خابرينه
- أصبح على فراش المرض والوسادة
ضاقت بي أيامي وعفت المدينة
- والجوف ناره تشتعل في زيادة
وأحزان قلبي زودت في ونينه
- الله وأكبر شوف حظ القراده
قبل أمس أنا واياه عيني بعينه
- ويقول عمري معك حقق مراده
حبك يالغلا في يدين أمينه
- حافظة في قلبي ولا له إباده
واليوم خلي وسط غرفه وشينه
- يرثى لحاله والدوا ما أفاده
وأنا همومي في خفوقي دفينة
- أقضي دقائق ليلتي في نكاده
ضاع الفكر والصبر ويني ووينه
- أظلم نهاري بعد خيم سواده
واجر صوتي والعرب سامعينه
- جمر الفرح طفى وباقي رماده
عمري دونه ناقصات سنينه
- أحسن لي اطلب من بعده الشهادة
لكن يا ربي طلبتك تعينه
- أدعيك وأرجي من دعاي استفاده
يا رب عبدك رافع لك يدينه
- يطلبك وأنت اللي عليك اعتماده
يا الله تشفي من لقلبي ظنينه
- ويلبس يا رب الطيب لبس القلاده
