كتب سفاح المعادي
اذا لم تجد ما تبحث عنه يمكنك استخدام كلمات أكثر دقة.
سفاح المعادي (كتاب)
القاتل عايز يثبت وجهة نظر، وايه هى؟، إن مصر بتمر بمرحلة خطرة، إنها فى حالة من التشتيت واللخبطة لدرجة إن أى حاجة ممكن تعدى، وقتل "فتيات ليل" بيثبت وجهة النظر دى؟، لأ، عدم اهتمام الناس بقتلهم هو اللى بيثبت وجهة النظر دى، الثورة فادت الشعب كتير، على الأقل فى الأول، بس دلوقتى إحنا فى مرحلة ماحدش فاهم منها حاجة، الأمور ولا بتتقدم ولا بتتأخر، الناس بدأت تزهق، مخها أبتدا يتملى ببلاوى وأفكار محبطة، الناس مشتتة لدرجة انها مش هاممها ذبح وقتل وإغتصاب بناتها وأولادها، والإعلام نفسه مش مهتم لأن الضحايا مش مشاهير والموضوع كله مش متعلق ولا بالسياسة ولا بالثورة، الحاجتين الوحاد اللى بيأكلوا عيش دلوقتى، أى حاجة فى النص، مش مهمة، أما قتل عاهرات، مش قصة شيقة، والشعب دلوقتى ماعندوش وقت يتعاطف مع قتل الأوساخ دول والعياذ بالله، فى حاجات أهم بكتير يشغل نفسه بيها، وهو سفاح المعادى بيقتلهم للسبب ده؟، ده واحد من الأسباب، وأيه الأسباب التانية؟، أنت صحفى يا آدم، حقق وهتعرف الحقيقة.
