كتب ديوان حمد العطيوي
اذا لم تجد ما تبحث عنه يمكنك استخدام كلمات أكثر دقة.
ديوان حمد العطيوي (كتاب)
*حمد العطيوي*
حمد أبو یابر العطيوي الحمیداوي ( 1303 – 1363 هـ .ش ) و هو من رموز الأبوذیة الأهوازیة و توفي في قریة الربیخة من توابع مدینة الأهواز و من أفعاله المتمیزة أنه قام ببناء مدرسة إبتدائیة مکونة من غرفتین شیدها هو بنفسه لتعلم أبناء القریة و حضر تشییع جثمانه جموع غفیرة من الناس محبة و تقدیراً لمواقفه المشرفة .
السّياسـة ما گضت مطلب ولافاي
العاگة ما دخل عبرة ولافاي
الما يحچي ابحدو سيفــه ولافاي
و لو گومه ألف ماله ثنية
_______
گلي اشـ ألّمك یا گلـــــب شدهاك
ابـ ألم لو من دواي الدهــر شدهاك
جرح واحد و اگل للمحب شدهاك
شتی جــــروح گلبي اعملن بيّه
________
الغبر لدعـــي علیه ابـ مرض ما ثار
و مثل فشگ الشدادة ابضیج ما ثار
الخارم لو تدگله الباب ما ثار
یتگرب چـن غضیب ابـحلگ حیة
_________
جواد الکون ابرنّه و نعله
و أسبّه العاش بالذلة و نعله
حاتم بالکرم عالي و نعله
ابـ بخل لو طلبوا الصاحب علیه
___________
ما هـم ابعسر وکتي و لا مال
او راسي ما هبــط لأحّد و لا مال
المصایب هیه ملتني و لا مال
منها و عیّد من تثخن علیه
_________
و حق اللي بنا عرشه و دامه
او لعبنا وي الدهر لعبة و دامه
الأسد لو ضخمت اجروحه و دامه
گوه عزمه و سطر بالموزمیة
________
طعم الریج أحس کل یوم علگم
من واشي الیذب الگــــوم علگم
أشوف الناس تحقـد یخي علگم
رفع رایة نصر لأهل الحمیة
_________
اکراب الدهر جوهرنه و سنه
أخینا و نعرف اطباعه و سنه
و حگ أحمد نبي الشیعة و سنة
الدهر و مکاربه عندي ابتحیة
_________
یابر العطیوي :
طعم الریج أحس کل یوم بي مر
ابسبب شاف العریضي السلف بي مر
طبیعي الغبر یحقد علی اللي بي مر
جلی ابسیفه الغبار امن الثنیة
____
سَو بأول شبابك عصوله وصیاح
من اسمك تشیّد لا تشیل سلاح
مگفوله المعالي ترید بس مفتاح
و ال یرخص روحه یطب بیها
حمد العطیوي
![Diwan Hassan ibn Thabit (دوان حسان بن ثابت) Works of Hassan ibn Thabit [1 volume]](/publice/covers_cache_jpg/17/8/3/7/1d5dc1ef2c83710cabf5768685b952ff.jpg.jpg "Diwan Hassan ibn Thabit (دوان حسان بن ثابت) Works of Hassan ibn Thabit [1 volume]")
