كتب تومي بيدها
اذا لم تجد ما تبحث عنه يمكنك استخدام كلمات أكثر دقة.
عرض المزيد
المصدر: mawdoo3.com
تومي بيدها (معلومة)
- الله وأكبر ياهذيك المواعيد *** أيام ما كانت تحاتي وعدها
- من قبل لا تكثر عليها المناقيد *** وتلبس خطاياها عباه لجسدها
- العام كانت حلم ليل الصناديد *** من الحيا ما تجاوب اللي نشدها
- واليوم صارت تصنع لكيدها كيد *** تعلمت وشلون تتقن نكدها
- تومي بيدها لواحدن واقف بعيد *** تحسبني أزعل يوم تومي بيدها !!!
- ما تدري إن فراقها كنه العيد *** ماني بميت من غلاها بعدها
- القلب لو شوقه بعد غابت يزيد *** ذبحت قلبي في يدي لو فقدها
- ما عادها كفو السهر والتناهيد *** مدامها خانت مبادي عهدها
- قولولها وإن كانها شيخة الغيد *** تستر عن عيون المناظر نهدها
- وإن كان اصبح عذرها حب تجديد *** مع موظة يخذل مطرها رعدها
- لا والله الا زادة حبارة الصيد *** وطيور ماهدة بيكثر هددها
- العلم بين مايبي زود تأكيد *** واضح وضوح الشمس للي شهدها
- الشمس تطلع شرق يوم الله يريد *** حكمه من الله ما طلعة من وحدها
- الله أمرها تنور الكون تحديد *** وبعض البشر مع كل هذا تعبدها!!
- يعني خلاصة هالحكي والتشاهيد *** قولولها من قبل تفقد رشدها
- إن كانها مشتاقه لواحد بعيد *** تروح له .. ماهوب تومي بيدها!!
