كتب الحياه ف نظري
اذا لم تجد ما تبحث عنه يمكنك استخدام كلمات أكثر دقة.
الحياه ف نظري (كتاب)
لييه الحياة مش وردي ......؟؟ ليه مش كل اللي بنطلبه بنلاقيه قدامنا ليه في حزن وغدر، حقد غيرة ببساطه لان كلنا بشر كل واحد ليه رغبات اللي عمره ما هيستثني حد غيره عليهاا ربنا خلق الحلو والوحش ومفيش حد كامل بس انا كنت بتمني امنيه واحده هو أن حد يحبني يحسسني ان ليا اهميه اني لو غبت هلاقي اللي يبقا قلقان عليا ان لو تعبت الاقي الخوف مش هنكر ان كان كل دا موجود بس مش دا اللي كنت عاوزاه بالظبط كل دا كان بيحصل بس بطريقه الاجبار تقضيه واجب يعني اهلي كان ا كويسين بس مش بالطريقه اللي انا عاوزاهاهبدا حكايتي احنا اسره من سته أفراد عندي اخ واختين انا كنت التالته وتقريبا بالنسبه ليهم مليش لازمه، بابا كان علطول لوحده مبيحبش يختلط بينا لو قعدت جمبه وحاولت اتكلم مش بيديني اهتمام كان بيبقي نفسي اقعد معاه بس كان وجودي مش مهم ف كنت بقوم واسيبه لوحده زي ماهو حابب مش هقول انه وحش بالعكس دا أطيب قلب بس هو كدا، ماما بقي بتحبنا وبتخاف علينا بس كان ولائها وحبها كله الاختي الكبيره اللي اتجوزت من سنتين وذاد الحب لما خلفت وجابت الحفيد ودا اكتر حد انا بحبه فعلا ،اما اخويا الكبير الحنون المتسلط اللي بيفرض اراؤه علينا وبيمشي كلمته علينا ببساطه عشان بابا مش بيحب يدخل نفسه في المشاكل بتاعتنا ومن غير قصد عطاله الحق انه يتحكم فينا ،واختي الصغيرة اللي علطول بينا مشاكل .
مش هقول اني كنت المظلومه واعيش دور الضحيه ماكانوش سيئين اوي بس كانت تصرفاتهم هي اللي بتكرهني فيهم
كنت بحاول دايما اهرب في ركن لوحدي ف اوضتي عشان ابعد عنهم ومشاكلهم ولما بخرج واقعد شويه اتخانق مع أي حد
انا كنت بحب كل حاجه مظبوطه بالسنتي ف الكلام اللبس اي حاجه كنت بتنمر ع اي غلطه واسيبها وامشي كنت بقعد اتكلم مع نفسي واقول هل انا وحشه ولا هما اللي وحشين اكيد الغلط مش فيا انا مش بعملهم حاجه انا مع نفسي دايما هما الوحشين ايوا مش قادرة احدد الشعور اللي جوايا دايما تايها وبسبب وزني اللي ذاد معتش في ثقه في نفسي وف نظرة اللي حواليا
لشكلي ولبسي الضيق وانتقاداتهم بسبب اننا مجتمع متخلف كان نفسي الحياة تبقا وردي زي ماانا عاوزه بس للاسف الحياة مش كدا خالص
