كتب اتنفس عطرها
اذا لم تجد ما تبحث عنه يمكنك استخدام كلمات أكثر دقة.
اتنفس عطرها (كتاب)
قصيدة :
كتب القلم ...؟!
بقلم / على حزين
ولما مسكت القلم
كتب القلم عذاب , وألم
وزعق , وبكى , واشتكي من الهم
وقال : إيه دا يا عم
في كل مكان دم
ومرار , وقهر , وظلم
2
ولما مسكت القلم
ارتعش القلم من الألم
وصرخ , وقال : آه
آه من القهر , آه من الظلم
ونظر لي : وابتسم
وقال كلام , من غير لسان
ومن غير شفتين , ولا فم
لكنه بكى , وأبكاني
بدل الدموع دم
3
لما مسكت القلم
ضربني بالقلم
وصرخ فيِّ : كل يوم ألم
كل يوم هم , وغم
وعذاب بالـ كوم ما يـ تلم
والدنيا بقت لا ليها لا لون
ولا معني , ولا طعم ,
وكل شيء بقى سم في سم
وقال القلم : يا ابن ادم
حرام الظلم , حرام الدم ,
يا ابن ادم : كفاك إجرام
كفاك ظلم
4
ولما مسكت القلم
نظر ليَّ القلم
في المرايا ,
وأبتسم , وقال لي : أسكت بقى يعم
وقم نم
*******
على السيد محمد حزين ــ طهطا ــ سوهاج ــ مصر
