كتب various poems about christmas
اذا لم تجد ما تبحث عنه يمكنك استخدام كلمات أكثر دقة.
أشعار منوعة عن عيد الميلاد (معلومة)
أحب أكـون أول مـن حمـل الأزهـار
وقدمهـا هديـة (بعـيـد مـيـلادك)
وأحب أكـون أول مـن يجيـب النـار
ويشعل لك ( شمـوع الـود ) لسعـادك
واحب أكـون أول مـن يعـزف أوتـار
يدندن لك (غنيـة) ماضـي أمجـادك
وأحب أكـون أول مـن يغنـي أشعـار
(سنة حلـوة) وربـي يسعـد فـوادك
واحب أكون أول من يقول : اشْ صار
؟!أفا !! تبكين وانتِ بفرحـة أعيـادك !!
وأحب أكون أول مـن خفوقـه طـار !!
وضمك حيل . . كنـه صـدره أوسـادك
وأحب أكون أول وآخر (الأسـرار !!)
أنا ( المجهول !! ) ما تعرفني حسادك !!
وأحب أكون آخر !! آخـر (الـزوار)
يغادر (حفلتك) في (عيد ميـلادك !!)
أناظر عقرب الساعة ولهيب الوقت يكويني
بعد عمري وش أهديله هدية عيد ميلاده؟
أبا اهْديه العمر كلّهولي باقي من سنيني
أبا ألْمس قلبه بإيدي واحس بنبضة فواده
أبيه يضمّني بالحيل،، ويشبك عينه بعيني
أبيه ْيعرْف أنه لي ولا أقوى على بعاده
أبيه يعيش في أعماقي وبأنفاسه يدفّيني
عسى الله لا يفرقنا يقوّيني على إسعاده
أحّبه في المزح والجد،، أحبّه لو يشقّيني
أحب إصراره المزعوم وأعشق شدة عناده
نطفّي لهفة الأشواق أداريه ويداريني
يساندني فضيقاتي وأنا فضيقاته سناده
شؤون الله في خلقه بهمساته يداويني
إذا به اجتمع ينسى عربه وناسه وبلاده
وإذا مات الفرح فيني ببسماته يعزّيني
ويحكي لي قصص حب وغرامٍ عاشها أجداده
ومن شهد الثغر يروي ظما روحي ويسقيني
علي يغار من نفسي وقلبي تموت حسّاده
تقبّل عمري الباقي وخذ قلبي قبل عيني
ولا تزعل بعد عمري ترى تستاهلزيادة
