كتب love date poem
اذا لم تجد ما تبحث عنه يمكنك استخدام كلمات أكثر دقة.
قصيدة موعد حب (معلومة)
هو: شلونچ يا أعز الناس عندي
هو: الكلب چم أحبيبه عنده
هي: هزني الشوك عالموعد أتانيك
وأعد بيدي الدقايق وحدة
وحدة.. وحدة.. اثنين .. هاي الثالثة تروح ..
أتاني وصار هالموعد ايش بعده
نمت حسبالي أشوفك بالحلم جاي
وكلت دمعاتي أحطهنّ وسط خده
هو: نمتِ .. هنيالچ غفيتي ..
وأنا ليلي يمر على عيوني صبح الي ينيَّم وردة ويمسد عليها..
مو مثل ليلولي وينيم جرح
والي يغفى بكلمة محنة.. مو مثل الي ينام وبعينه ملح
هي: لا حبيبي أنا هذا الليل من يمرني دمعة..
وحزن.. وأشواك .. وحنين أنا عيني عليك ما بطل دمعها
تبچي ما تسكت العين
هو: لا.. لا تبچين.. امسحي دمعتچ وأرجوچ لا تبچين ..
يل دمعچ جمر وخدودچ أحلى ورود ..
خايف على خدودچ من دموع العين.. لا تبچين
وردة وتحترك ما تحمل النيران.. يذبل كل وركها وتستحي من الطين
هي: وانت تكلي لا تبچين مو عمري انتهى
وأيامي كلها تروح .. لو راح العمر متكلي أجيبه منين؟
هو: لا تبچين المن بعد المن تسوه دمعه تطيح
هو إيش باقي بينا ونحترك كل حين
تعبنا القهر ممشى جزيرة وخوف
صار الماضي غلطة وچنه غلطانين لا تبچين لو يسوه العمر يمكن بچينا سنين
هي: شلون اتكلي لاتبچين؟
هو: لا تبچين!!
هي: تدري انت الي يحب ما يكدر على النار
ويا نار اللي بيَّه أتفزز الميتين.. احتاج الدمع من ما أشوفك يوم
لأن يصبح عليَّ اليوم خمس سنين!!
حبيبي لخاطري لا تبتعد أرجوك ما أحمل فراكك .. تدري كلش زين
هو: بس ارجوچ لاتبچين خوفي أنا عليچ من الدمع والله
مرات الدمع ياخذ حلاة العين
ويل كلچ ترافه أرجوچ لا تبچين بَرِد تموز حبك من يمر صيف وحر تشرين
يانار اشتياقي راقي ما شفت بس انت والله والغيرك
چِذب من كال راقي وكافر بالعشك ماعندي الإيمان
بس بعدك نعم صار اعتناقي وإحساسي نبي
من راد يهواك كسّر كل هُبل قبل التلاقي!
يا شعري وقضيتي والمكاتيب يا سهر الليالي واحتراقي
إلك كل العمر ومقصِّر وياك
يا بيتي و محلتي وكل زقاقي وعليك العين تعمّه لو غبت يوم
ويحالي شلون لو طال الفراقي لا تبعد عَلي ياسلوة الروح
وعهدي وياك اسمعه واتفاقي على هذه الكلب كثرة الي يمرّون
وعيونك فقط بس انت باقي وصحيح انت حلو وهواي عشاك
