اذا لم تجد ما تبحث عنه يمكنك استخدام كلمات أكثر دقة.
(جروح الحب)
إجرحيني ثم روحي ما دام الحب راح
لا انتي أول من جرحني.. ولا آخر من يروح
شفت حبك مثل دمعٍ جرح جفني وساح
إن مسحته وإن تركته جروحٍ في جروح
في زمن خاين زمانه.. ذخرتك لي سلاح
من عرفت أشتاق لك ما عرفت إلا الوضوح
أحسب إن الحلم يا بنت في وصلك مباح
وأحسب إن الحب روحين مخلوقه بروح
(أنت السؤال)
غيّر مواضيع الحزن والكآبة
كلمه تبكيني وكلمه تبكيك
من يجني الراحة بموسم عذابه
حاول تناسى والليالي تنسيك
ما فات فات بضحكته وبعتابه
صوته توارى والأماني تناديك
خل الفرح يمطر علينا سحابه
يروى جفاف الحزن من سيل أمانيك
الحب يغني واقعه عن سرابه
الحب وحده لو يخاصم يرضيك
أنت السؤال إللي في حياتي جوابه
مبادئي ما تعترض مع مباديك